گوگل نیوز پر ہمیں فالو کریںاسلام آباد: وفاقی کابینہ نے وزیر اعظم شہباز شریف کے زیر صدارت اجلاس میں نیشنل کلین ائیر پالیسی کی منظوری دے دی۔
وفاقی کابینہ کے اجلاس کے دوران وزارت موسمیاتی تبدیلی کی جانب سے نیشنل کلین ائیر پالیسی پر بریفنگ دی گئی، 2021ء میں پاکستان کا شمار دنیا کے 3 آلودہ ترین ممالک میں تھا، کراچی، لاہور کا شمار دنیا کے انتہائی آلودہ ترین شہروں میں ہوتا ہے۔
Today the Federal Cabinet approved the National Clean Air Policy. The policy identifies priority interventions in transport, industry, agriculture, waste, and residential sectors, and can reduce PM2.5 emissions by 81% in 2040 compared to the baseline scenario. https://t.co/HRaRPRqBp1 pic.twitter.com/EZwUt96Zlo
— SenatorSherryRehman (@sherryrehman) March 9, 2023
وفاقی کابینہ کے اجلاس میں شریک شرکا کوبتایا گیا کہ نیشنل کلین ائیر پالیسی ملک میں فضائی آلودگی کو کم کرنے کے اقدامات میں معاون ثابت ہو گی، نیشنل کلین ائیر پالیسی کے تحت نیشنل ایکشن کمیٹی تشکیل دی جائے گی، نیشنل ایکشن کمیٹی کو ایک ٹیکنیکل کمیٹی معاونت فراہم کرے گی۔
بریفنگ کے دوران مزید بتایا گیا کہ فضائی آلودگی پاکستان میں بڑا مسئلہ بن چکا ہے، 2019ء میں فضائی آلودگی سے 2 لاکھ 35 ہزار اموات رپورٹ ہوئیں، فضائی آلودگی نے پاکستان میں زندگی کا دورانیہ کم کر دیا ہے اور موسم سرما میں سموگ کا مسئلہ خطرناک بن جاتا ہے۔
مزید پڑھیں:کوئٹہ کی عدالت نے عمران خان کے ناقابل ضمانت وارنٹ گرفتاری جاری کر دیئے
وفاقی وزیر موسمیاتی تبدیلی شیری رحمان کا کہنا تھا کہ نیشنل کلین ائیر پالیسی پر تمام سٹیک ہولڈرز سے مشاورت کی گئی،پالیسی کا مقصد شہریوں کو سانس لینے کے لئے صاف فضا کی فراہمی ہے۔
