ملک میں بجلی کا شارٹ فال 5 ہزار 141 میگاواٹ تک پہنچ گیا

اسلام آباد: ملک بھر میں توانائی کا بحران برقرار ہے، بجلی کا شارٹ فال بڑھ کے 5 ہزار 141 میگاواٹ تک جاپہنچا، لوڈ شیڈنگ کے دورانئے میں بھی اضافہ ہوگیا۔

تفصیلات کے مطابق پاور ڈویژن کے ذرائع کا کہنا ہے کہ بجلی کی پیداوار 23 ہزار 759 میگاواٹ اور طلب 28 ہزار900 میگاواٹ ہے۔

پاور ڈویژن کے ذرائع کے مطابق شارٹ فال کے باعث ملک کے مختلف شہروں میں 8 گھنٹے تک کی لوڈشیڈنگ کی جارہی ہے۔

یہ بھی پڑھیں:

انٹربینک میں ڈالر 2 روپے 49 پیسے سستا ہوگیا

ذرائع پاور ڈویژن نے بتایا کہ پن بجلی ذرائع سے7 ہزار 900 میگاواٹ بجلی پیدا کی جارہی ہے۔ سرکاری تھرمل پلانٹس 789 میگاواٹ بجلی پیدا کررہےہیں۔

نجی شعبے کے بجلی گھروں کی پیداوار10 ہزار 650 میگاواٹ ہے۔ ونڈپاورپلانٹس 1 ہزاراورسولر پلانٹس 143 میگاواٹ بجلی پیدا کررہے ہیں۔

بگاس پاور پلانٹس سے 76 میگاواٹ،جوہری ایندھن سے 3 ہزار 201 میگاواٹ بجلی پیدا کی جارہی ہے۔