گوگل نیوز پر ہمیں فالو کریںکراچی:انٹر بینک اور مقامی اوپن کرنسی مارکیٹ میں بدھ کے کاروباری روز کے دوران ڈالر کے مقابلے روپے کی قدر گر گئی۔
فاریکس ایسوسی ایشن آف پاکستان کی رپورٹ کے مطابق بدھ کو انٹر بینک میں روپے کے مقابلے ڈالر کی قدر میں 25پیسے کا اضافہ ریکارڈ کیا گیا۔
جس سے ڈالر کی قیمت خرید 168.40روپے سے بڑھ کر168.65روپے اور قیمت فروخت168.50روپے سے بڑھ کر168.75روپے ہو گئی۔
اسی طرح مقامی اوپن کرنسی مارکیٹ میں 10پیسے کے اضافے سے ڈالر کی قیمت خرید 169.60روپے سے بڑھ کر169.70روپے اور قیمت فروخت170روپے سے بڑھ کر170.10روپے ہو گئی۔
فاریکس رپورٹ کے مطابق یورو کی قدر میں 30پیسے کا اضافہ ریکارڈ کیا گیا جس سے یورو کی قیمت فروخت199.50روپے سے بڑھ کر199.80روپے ہو گئی تاہم برطانو ی پونڈ کی قیمت خرید 232روپے اور قیمت فروخت234روپے پر بدستور برقرارر ہی۔
دوسری جانب عالمی مارکیٹ میں 8ڈالر کے اضافے سے فی اونس سونا1773ڈالر ہو گیا جس کے بعد ملکی صرافہ مارکیٹوں میں سونا مہنگا ہو گیا۔
مزید پڑھیں:پاکستان اسٹاک ایکسچینج،100انڈیکس مزید400پوائنٹس گھٹ گیا
