گوگل نیوز پر ہمیں فالو کریںکراچی میں بچوں کے ہمراہ وارداتیں کرنے والے 2 ملزمان گرفتار کرلیے گئے۔ ملزمان اصغر اور فرید بچے کو موٹر سائیکل پر بٹھا کر واردات کرتے تھے۔
ایس ایس پی سینٹرل ذیشان صدیقی کے مطابق ملزمان نے یوسف پلازہ کی حدود میں انڈوں کی دکان پر واردات کی تھی، واردات کے وقت بھی ملزمان بچے کو ساتھ بٹھا کر لائے تھے۔
ذیشان صدیقی نے مزید بتایا کہ واردات کی سی سی ٹی وی کی مدد سے ملزمان کو گرفتار کیا، ملزمان کے قبضے سے اسلحہ اور مبینہ ٹاؤن کی مسروقہ موٹر سائیکل برآمد کی گئی ہے۔
ایس ایس پی سینٹرل نے مزید بتایا کہ مقدمہ درج کرکے ملزمان کو شعبہ تفتیش کے حوالے کردیا گیا ہے۔
گزشتہ دنوں کراچی میں ایک ٹھرکی شخص کی بھی ایسی ہی واردات کی ویڈیو وائرل ہوگئی تھی، جس میں وہ ایک بچے کو بائیک پر سامنے بٹھا کر راہ چلتی خاتون کے ساتھ انتہائی نامناسب حرکت کر رہا تھا۔
