گوگل نیوز پر ہمیں فالو کریںپاکستان کے ٹیسٹ کرکٹر اسد شفیق نے انٹرنیشنل اور ڈومیسٹک کرکٹ سے ریٹائرمنٹ کا اعلان کردیا ہے۔
ذرائع کے مطابق پاکستان کے مڈل آرڈر بیٹر ٹیسٹ کرکٹر اسد شفیق کو قومی ٹی ٹوئنٹی کے اختتام پر ساتھی کھلاڑیوں نے گارڈ آف آرنر بھی پیش کیا۔
پریس کانفرنس کرتے ہوئے ٹیسٹ کرکٹر اسد شفیق کا کہنا تھا کہ ریٹائرمنٹ کے لیے کوئی دباؤ نہیں تھا، مصباح الحق سب سے بہترین کپتان ثابت ہوئے۔
اسد شفیق نے مزید کہا کہ پاکستان کرکٹ بورڈ (پی سی بی) نے سلیکشن کمیٹی میں شمولیت کی پیشکش کی ہے، تینوں فارمیٹ میں پاکستان کی نمائندگی کرنے پر خود کو خوش قسمت سمجھتا ہوں۔
واضح رہے کہ اسد شفیق نے تینوں فارمیٹ میں پاکستان کی نمائندگی کی ہے، انہوں نے 77 ٹیسٹ، 60 ایک روزہ میچز اور 10 ٹی ٹوئنٹی میچز میں شاندار کارکردگی کا مظاہرہ کیا۔
