گوگل نیوز پر ہمیں فالو کریںاسلام آباد: سپریم کورٹ آف پاکستان نے منگل کو نیب قانون میں ترامیم کو چیلنج کرنے والی درخواست کی سماعت غیر معینہ مدت کے لیے ملتوی کر دی۔
کیس کی سماعت چیف جسٹس پاکستان جسٹس عمر عطا بندیال کی سربراہی میں جسٹس منصور علی شاہ اور جسٹس اعجاز الاحسن پر مشتمل تین رکنی خصوصی بینچ نے کی۔
عدالت نے کیس میں ملوث فریقین سے جواب طلب کر لیا،درخواست پی ٹی آئی چیئرمین عمران خان نے دائر کی تھی۔
چیف جسٹس نے عمران خان کے وکیل سے کہا کہ وہ بتائیں کہ وہ کن بنیادوں پر ترامیم کو چیلنج کر رہے ہیں۔بنچ نے عمران خان اور وفاقی حکومت کو تحریری تجاویز عدالت میں جمع کرانے کا حکم دیا۔
سپریم کورٹ نے کیس جلد ختم کرنے کا عندیہ بھی دیا،چیف جسٹس نے ریمارکس دیے کہ ضرورت پڑی تو کیس دوبارہ سماعت کے لیے مقرر کریں گے۔
مزید پڑھیں:قومی سلامتی کمیٹی کا اجلاس: 9 مئی کے واقعات کی پر زور مذمت
یہ کہتے ہوئے عدالت نے کیس کی سماعت غیر معینہ مدت کے لیے ملتوی کر دی۔
