گوگل نیوز پر ہمیں فالو کریںبالی ووڈ اداکارہ سنی لیون کا کہنا ہے کہ اپنے بچوں کو بلوغت کی طرف بڑھتے ہوئے دیکھ کر انہیں گڈ ٹچ اور بیڈ ٹچ کی اہمیت کے بارے میں سکھانے کی کوشش کررہی ہوں۔
بالغ فلموں کی سابق اداکارہ سنی لیون تین خوبصورت بچوں کی ماں ہیں، دو لڑکے اور ایک لڑکی نشا۔ وہ اکثر اپنے خاندان کے ساتھ خوبصورت تصاویر اور ویڈیوز پوسٹ کرتی ہیں۔
اپنے ایک حالیہ انٹرویو میں اداکار ہ نے اپنے بچوں کے ساتھ اپنے معمولات کے بارے میں بات کی اور بتایا کہ وہ اور ان کے شوہر ڈینیئل ویبر اپنے تینوں بچوں کو گڈ ٹچ، بیڈ ٹچ کیسے سکھاتے ہیں۔
سنی لیون نے کہا کہ میں نے اپنے بچوں کو کافی علم دیا ہے کیونکہ اس وقت دنیا میں جو کچھ ہو رہا ہے وہ والدین کیلئے تھوڑا پریشان کن ہے۔
اداکارہ نے ایک بہت اہم موضوع پر روشنی ڈالی جس کے بارے میں اتنی کم بات کی جاتی ہے۔ سنی لیون کا کہنا ہے کہ اپنے بچوں کو حفاظت کے بارے میں سکھانے اور ان سے بات کرنے سے ہی چیزیں بہتر ہوں گی ۔
