گوگل نیوز پر ہمیں فالو کریںسکھر: قاسم آباد رکشہ مارکیٹ میں نکاسی آب نظام ناکارہ ہوگیا، نالیوں اور گٹروں کا پانی دکانوں اور گھروں میں داخل ہوگیا۔ رکشہ مارکیٹ کے دکانداروں نے بلدیہ سکھر اور مچھلی مارکیٹ کی انتظامیہ کے خلاف احتجاج مظاہرہ کیا اور نعرے بازی کی۔
تفصیلات کے مطابق سکھر کے علاقے قاسم آباد رکشہ مارکیٹ سکھرمیں نکاسی آب نظام ناکارہ ہونے کے خلاف دکانداروں کی بڑی تعداد نے زیر قیادت رکشہ مارکیٹ کے صدر مقیم مہر، محمد عدنان، احمد ڈار ، شوکت مگسی، اسلم سومرو، طاہر گڈانی و دیگر نے مچھلی مارکیٹ اور سکھر بلدیہ کے خلاف گندے پانی میں کھڑے ہوکر احتجاجی مظاہرہ کیا اور نعریبازی کی۔
اس موقع پر دکانداروں کا کہنا تھا کہ مچھلی مارکیٹ کے سیوریج نظام خراب ہو جانے کی وجہ تمام گٹر لائن بند ہو جاتی ہیں اور نالیوں اور گٹروں کا پانی گلیوں میں جمع ہو جاتا ہے جس کی وجہ دکانداروں کو شدید پریشانی کا سامنا کرنا پڑتا ہے۔
انہوں نے کہا کہ شکایات کے باوجود کوئی پرسان حال نہیں صفائی کا عملہ بھی گٹر لائن درست کرنے نہیں آتا۔ سیوریج کا پانی دکانوں میں جمع ہونے کی وجہ گاہگ بھی نہیں آتے ہیں۔
دکانداروں نے صوبائی وزیر بلدیات ، کمشنر سکھر ، ڈپٹی کمشنر سکھر ، ایڈمنسٹریٹر سکھر ، میونسپل کمشنر ، پبلک ہیلتھ انجینیئر سمیت دیگر متعلقہ محکموں کے افسران سے نوٹس لیکر دکانداروں کو درپیش مشکلات سے نجات دلانے کا پرزور مطالبہ کیا ہے۔
یہ بھی پڑھیں : شہریار آفریدی کی ایمنسٹی انٹرنیشنل کے عہدیداروں کو کشمیر میں بھارتی مظالم پر بریفنگ
