حیدرآباد میں چہلم کے موقع پر سیکورٹی کے سخت اقدامات کا حکم

حیدرآباد :ایڈیشنل آئی جی حیدرآباد ڈاکٹر جمیل احمد نے تمام ایس ایس پیز کو ہدایت کی ہے کہ حضرت امام حسین رضی اللہ تعالی عنہ کے چہلم کےموقع پر ٹھوس حفاظتی اقدامات کو یقینی بنایا جائے۔

ان کا کہنا ہے کہ جلوس کی گزرگاہوں و اطراف میں سادہ لباس اور باوردی پولیس اہلکاروں کی تعیناتی سمیت پولیس گشت،اسنیپ چیکنگ، پکٹنگ، کڑی نگرانی وناکہ بندی کے مجموعی اقدامات کو مربوط اور مؤثر بنائیں ۔

ڈاکٹر جمیل احمد نے تمام تمام ایس ایس پیز کو ہدایت کی ہے کہ جلوس سے قبل اسکیننگ اور کلیئرنس کے عمل کو یقینی بنایا جائے، تمام ایس ایس پیز اپنے دفاتر میں کنٹرول روم قائم کریں اور مکمل طور پر مانیٹرنگ کی جائے ۔

کسی بھی شخص کو جلوس میں باڈی سرچنگ کے بغیر شامل نہ ہونے کو یقینی بنا کر جلوسوں کی گزرگاہوں سے تمام ناجائز تجاوزات ہر قسم کی پارکنگ اور اسٹینڈ کے خاتمے و جلوس کی گزر گاہوں کو مکمل طور پر محفوظ بنانے کیلئے اقدامات اور سیکورٹی کیمروں کی تنصیب اور دیگر امور کو حتمی شکل دی جائے۔

اپنے اپنے اضلاع میں موجود امام بارگاہوں مساجد ومدارس حساس مقامات۔سرکاری و نجی اہم عمارتوں پر بھی سیکورٹی کا خصوصی انتظامات کریں۔

مزید پڑھیں:چائے بیچنے کے جرم میں غریب شہری گرفتار، تھرماس اور 10 کپ ضبط، مقدمہ درج

ٹریفک کی روانگی کیلئے متبادل پلان تشکیل دیے جائیں مذہبی ہم آہنگی اور قانون کی بالا دستی کو ہر صورت قائم رکہا جائے،ریجن کے تمام ایس ایس پیز تمام مکاتب فکر کے علمائے کرام سے ہمہ وقت رابطے میں رہیں۔