گوگل نیوز پر ہمیں فالو کریںکراچی: اسٹیٹ بینک آف پاکستان نے تمام مالیت کے نئے کرنسی نوٹ ڈیزائن اور اجراء پر کام کا آغاز کردیا ہے۔
اسٹیٹ بینک کی جانب سے جاری کردہ اعلامیے میں کہا گیا ہے کہ مرکزی بینک 15 سے 20 سال بعد نئے کرنسی نوٹ جاری کرتا ہے۔
نئے کرنسی نوٹ کا اجراء تکنیکی تبدیلی اور سیکیورٹی فیچر کو بڑھایا جاتا ہے،کرنسی نوٹوں کے ڈیزائن کے لئے آرٹ مقابلہ منعقد کرایا جائے گا۔
اعلامیے کے مطابق مقامی آرٹسٹ، ڈیزائنرز اور طالب علم اپنے ڈیزائن 11 مارچ 2024 تک ارسال کریں گے۔
ڈیزائن مقابلے میں ہر مالیت کے تین بہترین منتخب کئے گئے کرنسی نوٹوں کے ڈیزائن کو انعام دیئے جائیں گے۔ آرٹ مقابلے کی مکمل معلومات کا ویب لنک فراہم کیا گیا ہے۔
مقابلے میں منتخب کئے گئے ڈیزائن کو پروفیشنل بینک نوٹ ڈیزائنرز کی مدد سے حتمی شکل دی جائے گی۔ حکومت پاکستان کی منظوری کے لئے 7 مختلف مالیت کے ڈیزائن ارسال کئے جائیں گے۔
اسٹیٹ بینک نے کہا کہ نئے نوٹوں کے اجراء میں عموما 2 سے 3 سال درکار ہوتے ہیں۔ اسٹیٹ بینک آئندہ 2 سال میں نئے کرنسی نوٹ جاری کرنے کی پلاننگ ہے۔
کرنسی نوٹ کے موجودہ سیریز نئے کرنسی نوٹوں کے ساتھ جاری رہے گی۔ نئے نوٹوں کی مکمل کے بعد پرانے کرنسی نوٹوں کی سرکولیشن کو مرحلہ وار ختم کیا جائے گا۔
