گوگل نیوز پر ہمیں فالو کریںقومی کرکٹ ٹیم کے سابق کپتان سرفراز احمد نے کھیل کے دوران اپنی جھلک دکھا کر مداحوں کے دل جیت لیے جس پر عوام کے مختلف تبصرے جاری ہیں، سوشل میڈیا صارفین نے ٹاپ ٹرینڈ بنا دیا۔
تفصیلات کے مطابق کرکٹ ٹیم کے سابق کپتان سرفراز احمد ایک میچ کے دوران ویٹر کی صورت میں حاضر ہوئے اور پچ پر موجود کھلاڑی کیلئے خدمات سرانجام دے کر واپس پویلین لوٹ گئے جس پر سوشل میڈیا صارفین نے آج تبصروں کا ڈھیر لگا دیا ہے۔
سماجی رابطے کی ویب سائٹ ٹوئٹر پر سرفراز احمد آج کا 5واں ٹاپ ٹرینڈ ہے جس کے تحت سوشل میڈیا صارفین ہزاروں تبصرے کرچکے ہیں۔ بعض سوشل میڈیا صارفین کے نزدیک سابق کپتان کو ویٹر نہیں بنانا چاہئے تھا اور ایسا کرکے کرکٹ بورڈ نے ان کی ہتک کی جبکہ بعض کے مطابق یہ کرکٹ روٹین کا حصہ ہے۔
ایک سوشل میڈیا صارف حمزہ کلیم نے کہا کہ سرفراز احمد نے انڈر 19 ورلڈ کپ جیتا، اور پاکتان کو ٹی ٹوئنٹی کی نمبر 1 ٹیم بنایا۔ بطور کپتان سرفراز احمد نے 11 ٹی 20 سیریز مسلسل جیتیں مگر کچھ لوگ ٹیم مینجمنٹ سے خوش نہیں۔
حمزہ کلیم نے کہا کہ ٹیم مینجمنٹ نے سرفراز احمد کو ویٹر بوائے بنا کر گراؤنڈ پر بھیجا لیکن میرا یقین یہ ہے کہ کسی بھی صورت میں اپنے ملک کی نمائندگی فخر کی بات ہے اور سرفراز احمد اپنا کام کر رہے ہیں۔
U19 WC Winner
CT 2017 Winner
Made Pakistan No.1 side of T20
11 T20 Series Victory in a row as a captain but some people are not happy with team management sending #SarfarazAhmed as water boy but i believe representing your country in any form is an honor he is doing his job pic.twitter.com/cAGW06PAan— Hamza Kaleem (@HKaleem23) August 7, 2020
ذیشان خان نامی سوشل میڈیا صارف نے کہا کہ پیشہ ورانہ دنیا میں کوئی بھی شخص سینئر یا جونیئر نہیں ہوتا اور دئیے گئے کام کو کرنے میں کوئی عزتِ نفس مجروح ہونے جیسی بات نہیں ہوتی۔
انہوں نے کہا کہ پانی لانے سے عزت کم نہیں ہوجاتی۔ ہمیں ایسی باتوں کو جونیئر اور سینئر کی تخصیص سے منسوب نہیں کرنا چاہئے۔ رکی پونٹنگ، ویراٹ کوہلی اور دھونی بھی ایسے کام کرچکے ہیں۔
No body is #senior or #junior in #professional world and there is no disrespect in doing your assigned work. Respect is not hurt by bringing water, we must not associate such things with being a junior. #ENGvPAK #SarfarazAhmed
Ricky Ponting, Kohli and Dhoni also did this. pic.twitter.com/YKgOL8jIhE— Zeeshan Ali Khan (@izeeshanblogger) August 7, 2020
یاد رہے کہ اِس سے قبل قومی کرکٹ ٹیم کے مایہ ناز کھلاڑی انگلینڈ کی ٹیم سے مقابلے سے قبل دو روزہ پریکٹس میچ میں مصروف رہے جس کیلئے اظہر علی اور سرفراز احمد کو الگ الگ ٹیموں کا کپتان مقرر کیا گیا اور کھلاڑی جم کر پریکٹس کرتے رہے۔
ٹوئٹر پر اپنے پیغام میں پی سی بی (پاکستان کرکٹ بورڈ) نے کہا کہ اظہر علی اور سرفراز احمد دو روزہ پریکٹس میچ کے کپتان مقرر کردئیے گئے جبکہ قومی ٹیم کو گرین اور وائٹ ٹیم میں منقسم کردیا گیا۔
مزید پڑھیں: اظہر علی اور سرفراز احمد 2 روزہ پریکٹس میچ کے کپتان مقرر
