گوگل نیوز پر ہمیں فالو کریںمحکمہ موسمیات نے اطلاع دی ہے کہ صوبہ خیبر پختونخوا میں کل سے بارش اور برفباری کا سلسلہ شروع ہونے کا امکان ہے۔
پشاور سے محکمہ موسمیات کے مطابق بارشوں اور برفباری کا سلسلہ 31 مارچ تک وقفے وقفے سے جاری رہنے کا امکان ہے۔
نجی چینل جیو نیوز کے مطابق پراونشل ڈیزاسٹر منیجمنٹ اتھارٹی نے تمام ضلعی انتظامیہ کو الرٹ رہنے کے لیے مراسلہ جاری کر دیا ہے۔
پی ڈی ایم اے نے بارشوں اور برفباری کے پیش نظر ضلعی انتظامیہ کو پیشگی اقدامات کی ہدایت کی ہے۔
ڈی جی پی ڈی ایم اے نے برفباری اور بارشوں سے بالائی اضلاع میں لینڈ سلائیڈنگ کا بھی خدشہ ظاہر کیا ہے اور کہا ہے کہ ضلعی انتظامیہ مشینری کی دستیابی یقینی بنائے۔
گزشتہ دن موسمیات نے کہا تھا کہ منگل کی رات کو خیبر پختونخوا، گلگت بلتستان اور کشمیر میں چند مقامات پر تیز ہواؤں اور گرج چمک کے ساتھ بارش کا امکان ہے۔
محکمۂ موسمیات کا کہنا تھا کہ کراچی کے علاوہ اسلام آباد اور گردونواح میں بھی موسم خشک رہے گا۔ منگل کو اسلام آباد اور گردونواح میں موسم خشک اور مطلع جزوی طور پر ابر آلود رہنے کی پیشگوئی کی گئی تھی۔
