گوگل نیوز پر ہمیں فالو کریںکراچی: حکومتِ سندھ نے تصدیق کی ہے کہ کورونا وائرس کے خلاف جنگ کے لیے 16 کروڑ 12 لاکھ روپے کی امداد وصول ہو گئی ہے۔
سماجی رابطے کی ویب سائٹ ٹوئٹر پر اپنے پیغام میں سندھ حکومت کے ترجمان بیرسٹر مرتضیٰ وہاب نے کہا کہ سندھ حکومت کے کووِڈ 19 فنڈ کو 2 روز قبل 16 کروڑ 12 لاکھ 10 ہزار 900 روپے امداد وصول ہوئی۔
ترجمان سندھ حکومت بیرسٹر مرتضیٰ وہاب نے کہا کہ یہ عطیہ ہمیں پاکستانی کرنسی میں موصول ہوا جو مختلف مخیّر حضرات نے ہمیں دیا ہے جو سندھ حکومت کے 3 ارب روپے کے علاوہ ہے۔
خطیر امداد کیلئے مخیّر حضرات کا شکریہ ادا کرتے ہوئے ترجمان سندھ حکومت بیرسٹر مرتضیٰ وہاب نے کہا کہ کورونا وائرس کے خلاف یہ جنگ ہمیں مل کر لڑنی ہے۔ میں اِس صلہ رحمی کے لیے آپ سب کا شکرگزار ہوں۔
#SindhGovt #COVIDー19 Fund as on 7th April had received a contribution of Rs 161,210,900 from private donors in PKR.This donation has come from various generous people & is in addition to Rs 3 Billion contributed by Sindh Govt for Corona pandemic. Thank u everyone for ur kindness
— Murtaza Wahab Siddiqui (@murtazawahab1) April 9, 2020
