گوگل نیوز پر ہمیں فالو کریںاللہ رحم فرمائے، اب یہ لوگ ڈاکوؤں سے عوام کی حفاظت کریں گے اور کچے کے ڈاکوؤں کا مقابلہ کریں گے؟ ایسا لگتا ہے کہ پولیس نے ڈاکوؤں کا مقابلہ کرنے کی بجائے لوگوں کو لوٹنے میں ڈاکوؤں سے مقابلہ شروع کر دیا ہے۔
ذرائع ابلاغ کی رپورٹس کے مطابق یہ افسوسناک اطلاع سامنے آئی ہے کہ نواب شاہ میں تھانہ بچل پور پولیس نے لاکھوں روپے مالیت کے سگریٹ سے بھرا ٹرک ڈرائیور سمیت اغوا کر لیا۔
ایس ایس پی شہید بینظیر آباد تنویر تنیو نے واردات کا نوٹس لیتے ہوئے ایس ایچ او تھانہ بچل پور صادق وگن، ہیڈ محرر ماجد میر جت، ہیڈ کانسٹیبل شیر محمد سرگانی کے خلاف تعلقہ تھانہ نواب شاہ میں مقدمہ درج کر لیا۔
ایس ایس پی تنویر تنیو نے بتایا کہ مقدمے میں نامزد دو ملزمان کو گرفتار کرلیا گیا ہے جبکہ ملزم ایس ایچ او فرار ہو گیا ہے۔
انہوں نے مزید بتایا کہ مقدمہ ٹرک ڈرائیور صاحبزادہ ولد شہزادہ کی مدعیت میں درج کیا گیا ہے، مقدمے میں اغوا اور ڈکیتی کی دفعات شامل کی گئی ہیں۔
ایس ایس پی تنویر تنیو نے کہا کہ واردات میں ملوث محکمے کے ایس ایچ او، ہیڈ محرر اور ہیڈ کانسٹیبل کے خلاف محکمہ جاتی کارروائی کی جائے گی۔
