محکمہ صحت سندھ کا لوگوں کو غیر ضروری طور پر گھرو ں سے نہ نکلنے کا مشورہ

کراچی :محکمہ صحت سندھ نے کورونا وائرس کے تناظر میں ایک ایڈوائزری جاری کرتے ہوئے لوگوں کو گھروں یا دفاتر میں رہنے کا مشورہ دیا ہے۔

محکمہ صحت نے لوگوں کو خاص طور پر سانس کے مریضوں اور بخار اور دیگر وائرل بیماریوں میں مبتلا افراد سے باہر سے غیر ضروری دوروں سے گریز کرنے اور پرہجوم جگہوں پر دوسروں سے ایک میٹر کی دوری برقرار رکھنے کی اپیل کی ہے۔

عوامی مقامات پر ہیلتھ ڈیسک تشکیل دینے کی ہدایت بھی دی گئی ہیں۔ وہ افراد جو لوگوں کو جانچنے کے حفاظتی فرائض سرانجام دیتے ہیں انہیں حفاظتی پوشاک پہننا چاہئے۔ محکمہ صحت نے لوگوں سے سگریٹ نوشی سے پرہیز کرنے کی اپیل کی ہے۔

مزید پڑھیں:حکومت سندھ نے ملازمین کو مصافحہ نہ کرنے کی ہدایات جاری کردیں

ہوٹلوں اور گیسٹ ہاؤسز میں مہمانوں ، کارکنوں اور حجاج کرام کا درجہ حرارت لینے اور کھانسی یا جسمانی تکلیف میں مبتلا کسی کو ٹھہرنے کی اجازت نہ دینے کی ہدایت کی گئی ہے۔