کورونا وائرس بے قابو:پاکستان میں مزید 3 نئے کیس سامنے آگئے

کراچی : سندھ میں مہلک کورونا وائرس کے  مزید دو افراد کے ٹیسٹ مثبت آگئے ہیں جبکہ کوئٹہ میں بھی ایک کیس سامنے آیا ہے۔

جس کے بعد ملک میں ہونے والی کورونا وائرس سے متاثرہ مریضوں کی تعداد 19 ہو گئی ہے۔

محکمہ صحت سندھ کے مطابق متاثرہ افراد میں سے ایک دوحہ کے راستے شام سے کراچی پہنچا جبکہ دوسرا مریض جو حیدرآباد کا رہائشی ہے ، دبئی کے راستے ایران سے کراچی پہنچا۔

مزید پڑھیں: کراچی میں کورونا وائرس سے متاثرہ 9 کیسز کی تصدیق، تعداد 16 ہو گئی

واضح رہے کہ پیر کو محکمہ صحت سندھ نے کراچی میں کورونا وائرس کے نو نئے کیسوں کی تصدیق کی تھی جبکہ ایک مریض صحت یاب ہو گیا ہے اور اسے گھر بھیج دیا گیا ہے۔

کورونا وائرس کے باعث کراچی میں تعلیمی ادارے مکمل طور پر بند ہیں اور سندھ میں پے در پے کیس سامنے آنے کے بعد حکومت کو شدید پریشانی کا سامنا ہے۔