گوگل نیوز پر ہمیں فالو کریںکراچی :وزیر اعلیٰ سندھ سید مراد علی شاہ نے 18 ماہ بعد صوبائی ایپکس کمیٹی کا اجلاس آج وزیراعلیٰ ہاؤس کراچی میں طلب کرلیا۔
ایپکس کمیٹی کے اجلاس میں سینئر سول اور عسکری حکام شریک ہوں گے۔ اجلاس کے دوران کراچی کی تعمیر نو سے متعلق سابقہ فیصلوں پر عمل درآمد کا جائزہ لیا جائے گا۔
ایپکس کمیٹی کے اجلاس کے ایجنڈے میں صوبے میں نیشنل ایکشن پلان کے نفاذ کے حوالے سے صورتحال کے بارے میں بریفنگ شامل ہے۔
کراچی سیف سٹی پروجیکٹ پر پیشرفت،سندھ میں امن و امان کی صورتحال پر بریفنگ،کراچی کی سیکورٹی صورتحال،موٹرسائیکلوں پر ٹریکروں کی تنصیب اور کراچی میں اسٹریٹ کرائمز کو روکنے کے لئے قانون سازی ایجنڈے میں شامل ہے۔
مزید پڑھیں: کراچی پر اجارہ داری کیلئے نئے ضلع کا قیام، آگے کیا ہوگا ؟
