گوگل نیوز پر ہمیں فالو کریںماؤں کے عالمی دن کے موقعے پر سوشل میڈیا پر متعدد شوبز شخصیات نے ماں سے محبت کا اظہار کیا اور اپنے اپنے پیغامات میں عظیم رشتے کی خوبصورتی کو سلام پیش کیا ہے۔
فوٹو شیئرنگ پلیٹ فارم انسٹا گرام پر اپنے پیغام میں معروف گلوکارہ اور رقیب سے نامی ڈرامہ سیریل میں اداکاری کے جوہر دکھانے والی فنکارہ حدیقہ کیانی نے کہا کہ میں ہر روز اپنی ماں کے ساتھ گزارنے پر اللہ کا شکر ادا کرتی ہوں۔
گلوکارہ حدیقہ کیانی نے کہا کہ میری والدہ کا نام خاور ہے اور انہوں نے میری زندگی میں ایک معلم، ایک شاعرہ اور ہیرو کا کردار ادا کیا ہے۔ ماں سے مجھے طاقت اور محبت ملتی ہے، جتنا شکر ادا کیا جائے، کم ہے۔
View this post on Instagram
اسپورٹس اینکر زینب عباس نے ماؤں کے عالمی دن کے موقعے پر اپنی ماں سمیت دنیا بھر کی ماؤں کو خراجِ تحسین پیش کرتے ہوئے کہا کہ میں ہر ماں کی عزت اور احترام کرتی ہوں اور میری ماں میرے لیے توانائی کا سب سے بڑا ذریعہ ثابت ہوئی ہیں۔
View this post on Instagram
معروف گلوکارہ میشا شفیع نے اپنی والدہ صبا حمید کو ماؤں کے عالمی دن کی مبارکباد دیتے ہوئے کہا کہ فارس اور میں بے حد خوش قسمت ہیں کہ ہمیں آپ جیسی ماں نصیب ہوئیں۔
Happy Mother’s Day Ma 🥰♥️😘
Although you are celebrated every single day as a mother to so many on screen, Faris and I are blessed to have you all to ourselves in real life 🤩♥️🥰🙏🏼@Sabhamid 🧿♥️#MothersDay pic.twitter.com/jJQSp8flLx— MEESHA SHAFI (@itsmeeshashafi) May 9, 2021
نعتیہ کلام سنا کر حال ہی میں مداحوں سے داد وصول کرنے والے گلوکار علی ظفر نے کہا کہ میں نے کچھ خواتین کی پینٹنگز بنائی ہیں۔ میری ماں کی زندگی کا سفر قابلِ فخر ہے جو ایک لائبریرین سے ایک وائس چانسلر بنیں۔
علی ظفر نے کہا کہ میں نے اپنی ماں کو علم اور درس و تدریس کیلئے اپنی صحت سمیت زندگی کے بہت سے اثاثہ جات داؤ پر لگاتے ہوئے دیکھا اور زندگی میں اگر میرے لیے کوئی مثالی ہستی ہے تو وہ میری ماں ہے۔
Some of the paintings I’ve made of the most beautiful woman inside out – my mother. So proud of her journey. From a librarian to a Vice Chancellor. I’ve seen her sacrifice her health & so much more in the pursuit of knowledge and teaching. My ideal. My mom @kanwal15 #MothersDay pic.twitter.com/K7KQREhCWW
— Ali Zafar (@AliZafarsays) May 9, 2021
حال ہی میں اپنی ماں کی ممتا سے محروم ہونے والے اداکار شا ن نے کہا کہ وہ ہاتھ جو مجھے دعا اور رہنمائی سے نوازتے تھے اور وہ بازو جو مجھے زندگی کی مشکلات سے بچا لیا کرتے تھے، ان کا ہمیشہ ساتھ رہنے کیلئے شکریہ ادا کرتا ہوں۔
اداکار شان شاہد نے کہا کہ میں دُعا کرتا ہوں کہ زندگی بھر ایک عظیم ماں کے طور پر ہماری زندگی میں رنگ بھرنے کیلئے اللہ تعالیٰ آپ کو جنت الفردوس میں اعلیٰ مقام عطا فرمائے۔
https://twitter.com/mshaanshahid/status/1391156723663179778
میرے پاس تم ہو سمیت درجنوں ڈراموں میں اداکاری کے جوہر دکھانے والے فنکار عدنان صدیقی نے کہا کہ ان تمام روحوں کو ماؤں کے عالمی دن کے موقعے پر مبارکباد کہتا ہوں جو کورونا کے عالمی چیلنج جیسے سخت امتحان کو اپنی مہربان نگاہوں سے آسان بنا رہی ہیں۔
To all the souls who are trying to make this challenging time of pandemic comfortable with their kindness, Happy #MothersDay!
— Adnan Siddiqui (@adnanactor) May 9, 2021
عمران عباس نے ماں کے پاؤں کو بوسہ دیتے ہوئے اپنی ایک تصویر شیئر کی اور کہا کہ میری جنت میری ماں ہے جس کے بغیر میں کچھ نہیں ہوں۔ جب تک زندہ ہوں اپنی ماں کے پاؤں چومتا رہوں گا۔ دنیا کی ہر ماں کو آج کا عالمی دن مبارک ہو۔
View this post on Instagram
اقراء عزیز نے کہا کہ ماں سے اظہارِ محبت کیلئے میرے پاس الفاظ نہیں ہیں۔ زندگی بھر اپنا ہاتھ تھامنے کیلئے اپنی ماں کی شکر گزار ہوں۔ ماؤں کا عالمی دن مبارک ہو۔ گھر میں ننھے مہمان کی آمد کیلئے زیادہ انتظار نہیں کرسکتی تاکہ میں بھی ماں بن جاؤں۔
View this post on Instagram
فلم ایکٹریس عتیقہ اوڈھو نے کہا کہ میری بیٹی نے مجھے ہاتھ سے بنی ہوئی پھولوں کی باسکٹ دی تاکہ میں ماؤں کا عالمی دن منا سکوں۔ بیٹی کے الفاظ میرے دل میں اتر گئے اور میرا سال خوبصورت ہوگیا۔ خوبصورت اور خیال رکھنے والے بچے میرا اثاثہ ہیں۔
View this post on Instagram
یاد رہے کہ پاکستان سمیت دنیا بھر کے متعدد ممالک میں زندگی کے پہلے رشتے کی عظمت کو خراجِ تحسین پیش کرنے کیلئے ماؤں کا عالمی دن آج منایا جارہا ہے۔
ایک بچے کیلئے ماں وہ عظیم ہستی ہوتی ہے جو اسے جنم دیتی ہے۔ دنیا کے ہر انسان کو کسی نہ کسی ماں نے جنم دیا اور اس کی پرورش کی ۔ 9 ماہ تک بچے کو اپنے پیٹ میں رکھنے والی ماؤں کے عالمی دن کے موقعے پر عظیم رشتے سے محبت و عقیدت کا اظہار کیا جائے گا۔
مزید پڑھیں: دُنیا بھر میں ماؤں کا عالمی دن آج منایا جارہا ہے
