گوگل نیوز پر ہمیں فالو کریںفیصل آباد: پاکستان تحریک انصاف (پی ٹی آئی) کے رہنما فرخ حبیب نے کہا ہے کہ فیصل آباد میں ہمارے دھرنے پرفائرنگ کروائی گئی۔
جمعرات کی رات ایک ٹویٹ میں انہوں نے کہا کہ فیصل آباد میں ڈی ٹائپ پل پر پی ٹی آئی کے احتجاج کو فائرنگ کا نشانہ بنایا گیا۔ واضح رہے کہ وزیر آباد میں عمران خان پر حملے کے خلاف احتجاج اور دھرنے کی قیادت فرخ حبیب کر رہے تھے۔
Dtype پل فیصل آباد پر ہمارے دھرنے پر فائرنگ کروائی گئی۔ یہ امپورٹڈ حکومت جو مرضی کرلے ہم کھڑے ہے یہی کھڑے ہے ڈٹ کر کھڑے ہے
— Farrukh Habib (@FarrukhHabibISF) November 3, 2022
انہوں نے اپنے ٹویٹ میں مزید کہا کہ امپورٹڈ جو بھی کرے گی، ہم یہیں کھڑے ہیں اور ثابت قدم ہیں“۔
نجی ٹی وی چینل کے مطابق فیصل آباد میں پی ٹی آئی کے مظاہرین کو ڈرانے کے لیے نامعلوم افراد نے پی ٹی آئی کے دھرنے پر فائرنگ کردی، کوئی جانی نقصان نہیں ہوا، مظاہرین نے رانا ثناء اللہ کی رہائش گاہ پر پتھراؤ بھی کیا۔
واضح رہے کہ تحریک انصاف کے سربراہ عمران خان پر ہونے والے حملے کے بعد ملک بھر میں پی ٹی آئی کارکنان کی جانب سے احتجاج کا سلسلہ جاری ہے۔
