گوگل نیوز پر ہمیں فالو کریںثانیہ مرزا نے دبئی کے اپنے گھر سے سابق شوہر شعیب ملک کا نام ہٹا دیا۔
میڈیا رپورٹس کے مطابق دبئی میں بھارتی ٹینس اسٹار ثانیہ مرزا کے وِلا کا کام مکمل ہوگیا جبکہ فنشنگ کی جارہی ہے جس کے بعد وہ اپنے بیٹے اذہان کے ہمراہ گھر میں منتقل ہوجائیں گی۔
قبل ازیں خبریں سامنے آئیں تھی کہ بھارتی ٹینس اسٹار ثانیہ مرزا اور متحدہ عرب امارات کے بزنس ٹائیکون عدیل ساجن کے درمیان ممکنہ تعلقات قائم ہوئے ہیں تاہم تصدیق نہیں ہوسکی۔ عدیل ساجن دبئی میں بھارتی ٹینس اسٹار کے وِلا کو ڈیزائن کر رہے تھے۔
دوسری طرف گھر کے دروازے پر لگی ہوئی نام کی پلیٹ سے ثانیہ مرزا نے شعیب ملک کا نام ہٹادیا ہے اور اب ان کی جگہ اپنے بیٹے اذہان کا نام لکھا ہے۔
بھارتی ٹینس اسٹار دبئی اور حیدرآباد میں دو ٹینس اکیڈمیز چلارہی ہیں جبکہ اس کے علاوہ ٹی وی نشریات میں سونی اسپورٹس نیٹ ورک کے ساتھ منسلک ہیں، انہوں نے رواں ماہ آسٹریلین اوپن 2025 کی کوریج پر کام بھی کیا تھا۔
ثانیہ مرزا نے کہا ہے کہ ان کی زندگی کی پہلی ترجیح اب ان کا بیٹا اذہان ہے، جو انکا بہترین دوست ہے۔
