حکومت کیخلاف تحریک چلانے والوں کے اپنے خلاف تحریک چل پڑی ہے، شبلی فراز

اسلام آباد: وفاقی وزیراطلاعات و نشریات سینیٹر شبلی فراز نے کہا ہے کہ منتشرالخیال اپوزیشن کی انتشاری سیاست میں ملک اور عوام کا بھلا نہیں ،حکومت کے خلاف تحریک چلانے والوں کے اپنے خلاف تحریک چل پڑی ہے۔

اپنے ایک ٹوئٹر پیغام میں وفاقی وزیر شبلی فراز کا کہنا ہے کہ اللہ تعالی اپوزیشن کوتوفیق دے اسےعوام اوران کے مسائل نظرآنے لگیں، منتشرالخیال اپوزیشن کی انتشاری سیاست میں ملک اور عوام کا بھلا نہیں، ذاتی مفاد کو فوقیت دینے والوں کو رسوائی کے سوا کچھ نہیں ملے گا۔

پی ڈی ایم میں شامل مفاد پرست ٹولے کی سمتیں مختلف اورمنزلیں جداہیں۔ "یہ سانجھ کی ہنڈیا اب بیچ چوراہے پھوٹ رہی ہے" حکومت کے خلاف تحریک چلانے والوں کے اپنے خلاف تحریک چل پڑی ہے۔ مولانا شیرانی اور حافظ حسین احمد کا بیان اسکی واضح گواہی ہے۔

— Senator Shibli Faraz (@shiblifaraz) December 23, 2020

شبلی فرازنے اپنے ٹوئٹ میں کہا ہے کہ حکومت کے خلاف تحریک چلانے والوں کے اپنے خلاف تحریک چل پڑی ہے، جے یو آئی کے رہنماؤں مولانا شیرانی اور حافظ حسین احمد کا بیان اس کی واضح گواہی ہے۔

مزید پڑھیں:حکومت مخالفت کا دوسرامرحلہ، مردان میں پی ڈی ایم کی ریلی اور جلسے کی تیاریاں

وفاقی وزیر کا کہنا ہے کہ پی ڈی ایم میں شامل مفادپرست ٹولےکی سمتیں مختلف،منزلیں جداہیں،یہ سانجھ کی ہنڈیا اب بیچ چوراہے پھوٹ رہی ہے۔

واضح رہے کہ جمعیت علمائے اسلام کی قیادت میں مولانا فضل الرحمان کے جارحانہ رویئے کی وجہ سے پھوٹ پڑ چکی ہے اور مرکزی رہنماء حافظ حسین اور مولانا شیرانی پی ڈی ایم کی تحریک سے الگ ہوچکے ہیں۔