گوگل نیوز پر ہمیں فالو کریںامام کعبہ الشیخ ڈاکٹر عبدالرحمن بن عبدالعزیز السدیس نے حرم شریف میں جمعہ کے اجتماع سے خطاب میں مسجد اقصیٰ پر قابض اسرائیلی افواج کے حملوں اور آباد کاروں کے دھاووں کی شدید مذمت کی۔
امام کعبہ الشیخ السدیس نے کہا کہ ہم مسجد اقصیٰ پر قابض افواج کے حملوں کی مذمت کرتے ہیں۔ مسجد اقصیٰ کے تقدس کو پامال کرنے کی بار بار کوششیں کی جارہی ہیں۔ مسجد اقصیٰ پر دھاووں اور قابض فوج کے حملوں سے دنیا بھر کے مسلمانوں کے جذبات مجروح ہو رہے ہیں۔ مسجد اقصیٰ اور اس کے صحنوں پر دھاوے بولنے سے تشدد میں مزید اضافہ ہوگا۔
یہ بھی پڑھیں:
انڈونیشیا میں 7.0 شدت کا زلزلہ، عمارتیں لرز گئیں
الشیخ عبدالرحمان السدیس نے مسجد اقصیٰ سمیت دنیا بھر کے مقدس مقامات کے تحفظ پر زوردیتے ہوئے کہا کہ مسجد اقصیٰ پر اسرائیلی فوج کے دھاووں سے خطے میں کشیدگی میں اضافے کا اندیشہ ہے۔
امام کعبہ نے اپنے خطبہ میں مسلمانوں سے توبہ اور استغفار کے ساتھ کثرت کے ساتھ اللہ کی حمد وثنا بیان کرنے، صدقہ فطر ادا کرنے اور نیک اعمال میں اضافے کی ضرورت پر زور دیا۔
