سزائیں صرف غریب عوام کیلئے، نیب کا ادارہ ہی بند کردینا چاہئے۔شیخ رشید

اسلام آباد: سابق وفاقی وزیرِ داخلہ اور عوامی لیگ کے سربراہ شیخ رشید احمد نے کہا ہے کہ پاکستان میں سزائیں صرف غریب عوام کیلئے ہیں، ترمیم کے بعد تو نیب کا ادارہ ہی بند کردینا چاہئے۔

سماجی رابطے کی ویب سائٹ ٹوئٹر پر اپنے پیغام میں سابق وفاقی وزیر شیخ رشید احمد نے کہا کہ پاکستان میں کرپٹ سیاستدانوں کو کبھی سزا نہیں ہوسکتی بلکہ سزائیں تو صرف غریب عوام کیلئے رہ گئی ہیں۔

یہ بھی پڑھیں:

مفاد پرست ٹولے کو کیسز ختم کرانیکی فکر ہے، غریبوں کی نہیں، شیخ رشید

نیب ترمیم پر رائے زنی کرتے ہوئے شیخ رشید احمد نے کہا کہ ترمیم کرکے نیب کے دانت ہی نکال دئیے گئے۔ اس ترمیم کے بعد نیب کے ادارے کو ہی بند کردینا چاہئے۔ چور اور چوکیدار آپس میں مل گئے ہیں۔

پاکستان میں کرپٹ سیاستدانوں کو کبھی سزا نہی ہوسکتی۔سزائیں صرف غریب عوام کے لیے ہیں۔ترمیم کرکے نیب کے دانت نکال دیے گئے ہیں۔اس ترمیم کے بعد نیب کےادارے کو ہی بند کر دینا چاہیے۔جب چور اور چوکیدار مل جاتے ہیں تو بے بس عوام ان سے نجات کے لیے آسمان کی طرف مدد کے لیے دیکھتی ہے۔

— Sheikh Rashid Ahmed (@ShkhRasheed) June 21, 2022

قومی احتساب بیورو (نیب) کے کردار پر روشنی ڈالتے ہوئے سابق وزیرِ داخلہ نے کہا کہ جب چور اور چوکیدار مل جاتے ہیں تو بے بس عوام ان سے نجات اور مدد کیلئے آسمان کی طرف دیکھنے لگتے ہیں۔ 

خیال رہے کہ اس سے قبل عوامی مسلم لیگ کے سربراہ شیخ رشید نے کہا کہ مفاد پرستوں کے ٹولے کو صرف اپنے کیسز ختم کرانیکی فکر ہے، غریبوں کی نہیں۔

سابق وزیر داخلہ کا 2 روز قبل اپنے بیان میں کہنا تھا کہ خدا خیر کرے، آصف زرداری نے پیپلز پارٹی کی کمان سنبھال لی ہے اور دوسری جانب ووٹ کو عزت دو کا نعرہ اب نوازشریف کی واپسی کا منتظر ہے۔