کھارادر بم دھماکہ، شہلا رضا کا شہید خاتون کے گھر کا دورہ

کراچی: وزیرِ ترقئ نسواں سندھ سیّدہ شہلا رضا نے کھارادر بولٹن مارکیٹ دھماکے میں شہید خاتون کے گھر کا دورہ اور اہلِ خانہ سے تعزیت کا اظہار کیا ہے۔

سماجی رابطے کی ویب سائٹ ٹوئٹر پر اپنے پیغام میں صوبائی وزیر سیّدہ شہلا رضا نے کہا کہ کل میں نے کھارادر بم دھماکے میں شہید خاتون سنعیہ خالد کے گھر کا دورہ کیا۔

یہ بھی پڑھیں:

کراچی، بولٹن مارکیٹ دھماکے کا مقدمہ تھانہ سی ٹی ڈی میں درج

ٹوئٹرپیغام میں وزیرِ ترقئ نسواں سندھ سیّدہ شہلا رضا نے بم دھماکے میں شہید خاتون کے لواحقین سے تعزیت کی اور صوبائی حکومت کے ہر ممکن تعاون کا یقین دلایا۔ 

کل کھارادر بم بلاسٹ میں شہید خاتون سنعیہ خالد کے گھر ان کے لواحقین سے ٹعزیت کی اور حکومت کی تعاون کا یقین دلایا pic.twitter.com/6zdbX8eR6T

— Syeda Shehla Raza (@SyedaShehlaRaza) May 19, 2022

خیال رہے کہ اس سے قبل کراچی کے علاقے بولٹن مارکیٹ میں دھماکے کا مقدمہ تھانہ سی ٹی ڈی میں درج کر لیا گیا جس میں قتل اور دہشت گردی سے متعلق دفعات شامل کی گئی تھیں۔

 کراچی کے علاقے بولٹن مارکیٹ میں دہشت گردوں نے پولیس وین کو نشانہ بنایا جو تباہ ہوگئی۔ دھماکے کے نتیجے میں 1 خاتون جاں بحق جبکہ 13 کے قریب افراد زخمی ہوئے تھے۔

بولٹن مارکیٹ دھماکے کا مقدمہ گزشتہ روز محکمۂ انسدادِ دہشت گردی (سی ٹی ڈی) کے تھانے میں درج کر لیا گیا۔ دہشت گردوں کے خلاف تحقیقات کا عمل تاحال جاری ہے۔