شہباز شریف کا نام ابھی تک ای سی ایل میں نہیں ڈالا گیا،شیخ رشید

اسلام آباد: وزیر داخلہ شیخ رشید احمد نے کہا ہے کہ مسلم لیگ (ن) کے رہنما شہباز شریف کا نام ابھی ایگزٹ کنٹرول لسٹ میں نہیں ڈالا گیا۔

ہفتے کے روز ایک اہم ویڈیو بیان میں وزیر داخلہ شیخ رشید نے کہا کہ وزارت کو ابھی تک سمری موصول نہیں ہوئی جس کی وجہ سے مسلم لیگ (ن) کے صدر شہباز شریف کا نام ای سی ایل میں شامل نہیں کیا جاسکا۔

شہباز شریف کا نام ای سی ایل میں ڈالنے سے متعلق ویڈیو بیان جاری pic.twitter.com/OhoTCB990A

— Sheikh Rashid Ahmed (@ShkhRasheed) May 15, 2021

شیخ رشید نے کہا کہ میڈیا شہباز شریف کانام ای سی ایل میں شامل کرنے کی خبریں چلا رہا ہے لیکن حقیقت یہ ہے کہ ان کا نام ابھی ایگزٹ کنٹرول لسٹ میں شامل نہیں کیا گیا ۔

انہوں نے کہا کہ اس معاملے میں 14 افراد کے نام ای سی ایل میں شامل ہیں جبکہ شریف خاندان کے 5 افراد پہلے ہی مفرور ہیں،شیخ رشید نے کہا کہ شہبازشریف خود نوازشریف کے ضامن ہیں جو ملک سے فرار ہیں۔

مزید پڑھیں: شہبازشریف کی بیرون ملک روانگی اسٹیبلشمنٹ کیساتھ ڈیل سے مشروط

واضح رہے کہ وفاقی کابینہ نے قومی احتساب بیورو کی سفارش پر مسلم لیگ (ن) کے صدر واپوزیشن لیڈر شہباز شریف کا نام ایگزٹ کنٹرول لسٹ میں ڈالنے کی منظوری دے دی ہے، شہباز شریف کا نام ای سی ایل میں شامل کرنے کی منظوری ایک سرکولیشن سمری کے ذریعے دی گئی۔