برطانیہ سے طویل مدتی اور گہرے تعلقات کو آگے لے کر جائیں گے۔شہباز شریف

اسلام آباد: وزیر اعظم شہباز شریف نے برطانوی ہم منصب بورس جانسن کے نام اپنے پیغام میں کہا ہے کہ ہم برطانیہ سے طویل مدتی اور گہرے تعلقات کو آگے لے کر جائیں گے۔

سماجی رابطے کی ویب سائٹ ٹوئٹر پر اپنے پیغام میں برطانوی ہم منصب بورس جانسن سے مخاطب ہوتے ہوئے وزیر اعظم شہباز شریف نے کہا کہ میں تہنیتی پیغام پر آپ کا شکر گزارہوں۔ پاکستان اور برطانیہ کے مابین تعلقات وسیع البنیاد اور گہرے ہیں۔

یہ بھی پڑھیں:

سندھ میں بلدیاتی انتخابات کے پہلے مرحلے کا شیڈول جاری

ٹوئٹر پیغام میں وزیر اعظم شہباز شریف نے کہا کہ ہم برطانیہ کے ساتھ تعلقات کو مزید وسعت دینے اور طویل مدتی دوستی کو آگے بڑھانے کیلئے پر عزم ہیں تاکہ ہمہ جہتی تعلقات کو اگلے مرحلے تک لے کر جاسکیں۔ 

Thank you Mr Prime Minister for your message of felicitation. Pakistan and UK share deep-rooted & broad-based ties. I look forward to working closely with you to further expand our longstanding friendship & take our multifaceted relationship to the next level. https://t.co/DTtuaapH78

— Shehbaz Sharif (@CMShehbaz) April 13, 2022

بورس جانسن کی مبارکباد

قبل ازیں اپنے ٹوئٹر پیغام میں برطانوی ہم منصب بورس جانسن نے شہباز شریف کو وزیر اعظم پاکستان بننے پر مبارکباد دیتے ہوئے کہا کہ پاکستان اور برطانیہ کے مابین طویل مدتی دوستی رہی ہے اور ہمارے لوگوں کے مابین تعلقات گہرے ہیں۔

برطانوی وزیر اعظم بورس جانسن نے گزشتہ روز اپنے ٹوئٹر پیغام میں شہباز شریف کے وزیر اعظم پاکستان بننے پر خوشی کا اظہار کرتے ہوئے کہا کہ ہم دونوں ممالک کے مشترکہ مفادات کے فروغ کیلئے پاکستان کے ساتھ مل کر کام کرنے کے منتظر ہیں۔