ہائیکورٹ نے ڈی آئی جی، خام حسین ایس پی ڈاکٹر رضوان کا تبادلہ روک دیا،نوٹیفکیشن کالعدم

کراچی: سندھ ہائی کورٹ نے اعلیٰ پولیس افسران ڈی آئی جی خادم حسین اور ایس پی ڈاکٹر رضوان کے تبادلے کا نوٹیفکیشن کالعدم قرار دے دیا ہے۔

ہائی کورٹ میں دائر کردہ درخواست میں درخواستگزار نے موقف اپنایا کہ ڈی آئی جی خادم حسین اور ایس پی ڈاکٹر رضوان سمیت 80 پولیس افسران کے تبادلے میں حکومت نے اپنے قوانین کی خلاف ورزی کی ہے۔

ڈی آئی جی خادم حسین کا تبادلہ آئی جی کے علم میں لائے بغیر کر دیا گیاجس پر سندھ ہائی کورٹ نے دونوں پولیس افسران کے تبادلے کا نوٹیفکیشن کالعدم قرار دے دیا ہے۔

مزید پڑھیں: وزیراعظم سے کلیم امام کی ملاقات، آئی جی سندھ کی تبدیلی کا معاملہ موخر

عدالت عالیہ نے ریمارکس دیئے کہ ڈی آئی جی اور ایس پی کا تبادلہ غیر قانونی ہے جبکہ پولیس افسران کے تبادلے پر طریقہ کار پر عمل نہیں کیا گیا، عدالت کا کہنا ہے کہ سندھ حکومت آئی جی کی مشاورت کے بغیر پولیس افسران کے تبادلے نہیں کر سکتی۔

خیال رہے ہائیکورٹ گزشتہ سماعت پر دونوں پولیس افسران خادم حسین اور ڈاکٹر رضوان کے تبادلوں کا نوٹیفیکیشن معطل کر چکی تھی کیونکہ ڈی آئی جی کے تبادلے کیلئے آئی جی سے مشاورت لازمی ہے۔