شاہد آفریدی کا کورونا میں مبتلا بچن خاندان کیلئے نیک خواہشات کا اظہار

کراچی:پاکستان کرکٹ ٹیم کے سابق کپتان اور آل راؤنڈر شاہد آفریدی نے کورونا وائرس میں مبتلا بچن خاندان کیلئے نیک خواہشات کا اظہارکیا ہے۔

واضح رہے کہ بھارت کے معروف اداکار امیتابھ بچن گزشتہ روز کورونا وائرس میں مبتلا ہوئے جس کے بعد ان کے بیٹے ابھیشیک بچن، بہو ایشوریا رائے بچن اور پوتی آرادھیا بچن کا کورونا ٹیسٹ بھی کیا گیا۔

Best wishes for @SrBachchan and @juniorbachchan . Hope you recover well and soon.

— Shahid Afridi (@SAfridiOfficial) July 12, 2020

ابھیشیک بچن کے مطابق ان میں اور ان کے والد میں کورونا کی معمولی علامات ہیں اور وہ اسپتال میں زیرعلاج ہیں۔

بچن فیملی کیلئے جہاں دنیا بھر سے نیک خواہشات کے پیغامات آرہے ہیں وہیں کرکٹ اسٹار شاہد خان آفریدی نے بھی ایک ٹوئٹ میں سینئر اور جونیئر بچن کی جلد صحت یابی کیلئے دعا کی ہے۔