گوگل نیوز پر ہمیں فالو کریںقومی کرکٹ ٹیم کے سابق کپتان شاہد آفریدی نے ٹی ٹوئنٹی میچز میں بھارتی کپتان ویرات کوہلی کو مین آف دی میچ ریکارڈ برابر کرنے پر مبارک باد دیتے ہوئے انہیں عظیم کھلاڑی قرار دیا ہے۔
سماجی رابطے کی ویب سائٹ ٹوئٹر پر گزشتہ شب اپنے پیغام میں شاہد آفریدی نے کہا کہ ویرات کوہلی نے اپنی مسلسل کامیابی کی روایت برقرار رکھتے ہوئے میرا مین آف دی میچ کا ریکارڈ برابر کیا ہے۔ میں انہیں اس کامیابی پر مبارکباد دیتا ہوں۔
یہ بھی پڑھیں: محمدوسیم جیساٹیلنٹ ہمارے فخرکی علامت ہے،آرمی چیف جنرل قمرجاویدباجوہ
شاہد آفریدی نے کہا کہ ویرات کوہلی کو دُنیا بھر کے کرکٹ شائقین کو محظوظ کرنے کا یہ عمل جاری رکھنا چاہئے۔ اس خوبصورت کھیل پر ویرات کوہلی مبارکباد کے مستحق ہیں۔
Congratulations @imVkohli You are a great player indeed, wish you continued success, keep entertaining cricket fans all around the world. https://t.co/OoDmlEECcu
— Shahid Afridi (@SAfridiOfficial) September 18, 2019
واضح رہے کہ ویرات کوہلی نے جنوبی افریقہ کے خلاف گزشتہ روز کھیلتے ہوئے تین چھکے اور چار چوکے لگا کر 72 رنز کی اننگز کھیلی اور ناٹ آؤٹ رہے جس پر انہیں کیرئیر میں گیارہویں بار مین آف دی میچ کا اعزاز دیا گیا۔
مین آف دی میچ قرار دئیے جانے کے بعد ہی انٹرنیشنل کرکٹ کونسل (آئی سی سی) نے ویرات کوہلی کو شاہد آفریدی کا ریکارڈ برابر کرنے پر مبارکباد پیش کی جبکہ مایہ ناز کرکٹر شاہد آفریدی نے بھی ان کے کھیل کو سراہا۔
یاد رہے کہ اس سے قبل ہوم گراؤنڈ میں سری لنکا کے خلاف کرکٹ سیریز کے آغاز سے پہلے قومی کرکٹ ٹیم کا تربیتی کیمپ شروع ہوگیا جس میں کھلاڑی ہیڈ کوچ مصباح الحق کی نگرانی میں کھیل کی سخت پریکٹس کر رہے ہیں۔
چارروزہ تربیتی کیمپ میں باؤلنگ کوچ وقار یونس قومی کرکٹ ٹیم کے باؤلرز کو کھیل کے مختلف اصول سمجھائیں گے جبکہ مصباح الحق کھلاڑیوں کی مجموعی کارکردگی پر نظر رکھیں گے اور فیلڈنگ اوربیٹنگ سمیت کھیل کے تمام شعبوں کی کارکردگی بہتر بنائیں گے۔
مزید پڑھیں: پاک سری لنکا سیریز: قومی کرکٹ ٹیم کا تربیتی کیمپ، کرکٹ کی سخت پریکٹس شروع ہو گئی
