گوگل نیوز پر ہمیں فالو کریںکراچی: قومی کرکٹ ٹیم کے سابق کپتان شاہد آفریدی نے افغانستان کے خلاف ٹی ٹوئنٹی سیریز میں شاداب خان کو کپتان بنانے کے فیصلےکو سراہا ہے۔
ٹوئٹر پر جاری اپنے پیغام میں شاہد آفریدی نے آل راؤنڈر شاداب خان کو مبارکباد دیتے ہوئے کہا کہ آپ کو افغانستان کے خلاف ہونے والی سیریز کے لیے کپتان منتخب ہونے پر مبارک ہو۔
“Congratulations to @76Shadabkhan on being selected as the captain for the Pak vs Afg series! A wise decision by PCB to rest senior players and give talented young leaders like Shadab a chance to shine. Excited to see him prove himself on the field! #ShadabKhan #PCB #PakVsAfg“
— Shahid Afridi (@SAfridiOfficial) March 13, 2023
شاہد آفریدی نے پاکستان کرکٹ بورڈ (پی سی بی) کی جانب سے سینئر کھلاڑیوں کو آرام دے کر شاداب خان جیسے نوجوان کو قیادت دینے کے فیصلے کو دانشمندانہ قرار دیا ہے۔
اگر دوسری ٹیموں کو پاکستان میں سیکیورٹی کا کوئی خدشہ نہیں تو بھارت کیوں پریشان ہے؟ نجم سیٹھی
انہوں نے یہ بھی کہا کہ شاداب خان کو خود کو میدان میں ثابت کرتے ہوئے دیکھنے کیلئے بہت پُرجوش ہوں۔
واضح رہے کہ گزشتہ روز پاکستان کرکٹ بورڈ مینجمنٹ کمیٹی کے چیئرمین نجم سیٹھی نے افغانستان کے خلاف ہونے والی سیریز کے لیے قومی اسکواڈ کا اعلان کیا تھا۔
شاداب خان (کپتان)، عبد اللّٰہ شفیق، اعظم خان، فہیم اشرف، احسان اللّٰہ، عماد وسیم، محمد حارث، افتخار احمد، محمد نواز، وسیم جونیئر، نسیم شاہ، صائم ایوب، شان مسعود، طیب طاہر اور زمان خان اسکواڈ میں شامل ہیں۔ اس کے علاوہ ابرار احمد، حسیب اللّٰہ اور اسامہ میر کو ریزرو کھلاڑیوں میں رکھا گیا ہے۔
