گوگل نیوز پر ہمیں فالو کریںلاہور:پاکستان مسلم لیگ ن کے صدر اور قائد حزب اختلاف شہبازشریف نے حکومت سے مطالبہ کیا ہے کہ پنجاب میں کورونا وائرس کے مریضوں میں تیزی سے اضافہ کا فی الفور نوٹس لیا جائے۔
قائدِ حزبِ اختلاف قومی اسمبلی شہباز شریف نے کہا کہ فوری اقدامات نہ ہوئے توپنجاب میں بالخصوص خدانخواستہ بڑی تباہی دیکھ رہا ہوں ،حکومت کرونا وائرس کا ٹیسٹ نہ کرنے کے فیصلے سے قوم کی جان خطرے میں ڈال رہی ہے ۔
انہوں نے کہا کہ کورونا کے مریضوں، ٹیسٹنگ، اسکریننگ سے متعلق تمام ڈیٹا سامنے لایا جائے ،حکومت کا کورونا کے متاثرین ، ٹیسٹ اور سکریننگ کا کا اعداد چھپانا جرم ہے ۔
حقائق چھپانے سے زمینی حقائق چھپ سکتے ہیں، نہ ہی کورونا کی پھلتی وبائرک سکتی ہے ،مسئلے کا حل بڑے پیمانے پر ٹیسٹنگ اور ہسپتالوں سے الگ کورنٹین سینٹرز کا قیام ہے ۔
شہباز شریف نے کہا ہے کہ ڈسٹرکٹ اور تحصیل ہسپتالوں میں حفاظتی کٹس ، ادویات اور متعلقہ طبی سہولیات کا شدید فقدان ہے ،واضح حکمت عملی، ضروری حفاظتی سامان فراہم نہ کرکے وزیراعظم کورونا پھیلانے کی راہ ہموار کررہے ہیں ۔
اپوزیشن لیڈر نے کہا ہے کہ عمران نیازی کا رویہ کورونا کے خلاف جنگ میں ہتھیار ڈالنے کے مترادف ہے ،ڈاکٹرز، نرسز اور طبی عملے کے لئے حفاظتی لباس کو یقینی بنایا جائے ۔
ڈی ایچ کیو اور ٹی ایچ کیو ہسپتالوں میں کٹس ، ادویات سمیت طبی سہولیات کا شدید فقدان ہے ،ہسپتالوں میں مریضوں کو کورونا کے متاثرین سے فی الفور الگ کیاجائے ورنہ بڑی تباہی ہوگی ۔
پنجاب میں ہنگامی بنیادون پر الگ کورنٹین مراکزکے قیام کو اورلین ترجیح دی جائے ،سرکاری سکول، کالج ، ہوٹل ، شادی ہال اور مساجد کو کورنٹین سینٹرز بنایا جائے۔
مزید پڑھیں: کورونا وائرس نے جہلم کے ایک اورمریض کی زندگی کی چھین لی
