گوگل نیوز پر ہمیں فالو کریںاسلام آباد: وزیر خارجہ شاہ محمود قریشی نے کہا ہے کہ پاکستان سمیت خطے کی سیکیورٹی کو مختلف چیلنجز کا سامنا ہے، افریقی ملکوں کے ساتھ سیکیورٹی تعاون کو فروغ دینا چاہتا اور اسی مقصد کے حصول کے لیے اسلام آباد میں 700 سیزائد سفارتی اہلکار تربیت حاصل کررہے ہیں۔
اسلام آباد میں غیر ملکی سفیروں کی دو روزہ کانفرنس سے خطاب کرتے ہوئے وزیرخارجہ شاہ محمودقریشی نےکہا کہ افریقہ مستقبل کا برصغیر ثابت ہوگا۔انہوں نے کہاکہ افریقہ کا 2 ٹریلین ڈالر سے زائد جی ڈی پی ہے جہاں شرح نمو میں اضافہ ہورہا ہے۔
انہوں نے کہاکہ افریقہ اپنی صلاحیتوں سے مکمل استفادہ نہیں کررہا۔شاہ محمود قریشی نے کہا کہ پاکستان کے سیکیورٹی اہلکاروں نے افریقی امن میں اہم کردار ادا کیا، انہوں نے کہاکہ پاکستان کے افریقی ملکوں کے ساتھ سیاسی تعلقات ہیں اور ماضی میں افریقی ملکوں کو نوآبادیات نظام سے آزادی حاصل کرنے میں پاکستان کا کردار رہا۔
یہ بھی پڑھیں: وزیر اعظم کی تجویز پر صدر تقرری کا مجاز، آرمی چیف کی توسیع درست ہے۔اسد عمر
