گوگل نیوز پر ہمیں فالو کریںشارجہ: پاکستان کرکٹ ٹیم کے آل راؤنڈر شاداب خان نے ایشیا کپ میں پاکستان کرکٹ ٹیم کے سنسنی خیز مقابلوں پر بات کرتے ہوئے کہا کہ ہمیں لگتا ہے کہ ہم عوام کے ساتھ ظلم کررہے ہیں۔
گزشتہ روز افغانستان کو شکست سے دوچار کرنے کے بعد شاداب خان کا پریس کانفرنس میں کہنا تھا کہ میرے خیال میں پاکستان کے تمام میچز سنسی خیز ہورہے ہیں ، مجھے لگتا ہے کہ ہم لوگوں کے ساتھ ظلم کررہے ہیں کیوں کہ ایسے میچز دیکھنے سے ہارٹ اٹیک کےامکانات کافی زیادہ ہوجاتے ہیں۔
انہوں نے کہا کہ ہم میچز کو اتنا کلوز لے کر جاتے ہیں ایسے تو میچز مجھ سے بھی نہیں دیکھتے جاتے اگرچہ کھیل لیتاہوں۔
شاداب خان نے فاسٹ بولر نسیم شاہ کے چھکوں پر بات کرتے ہوئے کہا کہ نسیم شاہ پر اعتماد تھا، جاوید بھائی اور شاہد بھائی کی طرح نسیم شاہ کے چھکے ہمیشہ یاد رہیں گے، ہمارے بولرز بیٹنگ کافی لمبی کررہے ہیں ،مینجمنٹ بھی بولرز کو ایسے وقت کے پیش نظر لمبی بیٹنگ پریکٹس کراتی ہے۔
پاکستان کی فائنل میں رسائی، شاہد آفریدی کا بیان بھی سامنے آگیا
مزید برآں آصف علی اور افغان بولر کے درمیان تلخ جملوں کے تبادلے پر شاداب خان کا کہنا تھا کہ ہر کوئی جیتنا چاہتا ہے، اچھا کھیلنا چاہتا ہے، جب ایسا نہیں ہوتا تو ہیٹ آف دی مومنٹ ہوجاتا ہے، بولر اور بیٹر کے درمیان ہیٹ آف دی مومنٹ ایسے واقعات ہو جاتے ہیں لیکن یہ سب فیلڈ میں ختم ہوجانا چاہیے۔
انہوں نے بھارتی کرکٹ ٹیم کے ایشیا کپ سے باہر ہونے پر کہا کہ میں نے بھارت کا بالکل نہیں سوچاتھا کہ وہ باہر ہو جائیں گے میں اپنی ٹیم کا سوچ رہا تھا ، بھارت ایک اچھی ٹیم ہے ہو سکتا ہے کہ پریشر کی صورتحال میں ایسا ہوا ہو۔
ایشیا کپ، صدر اور وزیر اعظم کی افغانستان کے مقابلے میں جیت پر قومی ٹیم کو مبارکباد
