گوگل نیوز پر ہمیں فالو کریںنیوزی لینڈ نے پانچ ٹی ٹوئنٹی میچوں کی سیریز کے دوسرے میچ میں بھی پاکستان کو شکست دیکر سیریز میں دو صفر کی برتری حاصل کر لی۔
پاکستانی ٹیم نیوزی لینڈ کی جانب سے دیے گئے 195 رنز کے ہدف کے تعاقب میں 173 رنز پر پویلین لوٹ گئی،ٹیم کو 21 رنز سے شکست کا سامنا کرنا پڑا۔
پاکستان کی جانب سے اننگز کا آغاز صائم ایوب اور محمد رضوان نے کیا تاہم دوسرے ہی اوور میں صائم ایوب ایک رن بنا کر آؤٹ ہو گئے جبکہ محمد رضوان بھی 7 رن بنا کر چلتے بنے۔
دو وکٹیں جلد گرنے کے بعد فخر زمان اور بابر اعظم نے ٹیم کا اسکور آگے بڑھایا اور فخر زمان 25 گیندوں پر 50 رنز بنا کر آؤٹ ہوئے جبکہ افتخار احمد 4 رن بنا کر پویلین لوٹ گئے، اعظم خان بھی 2 رن بنا کر چھکا لگانے کی کوشش میں کیچ آؤٹ ہو گئے۔
شاہین آفریدی نے بھی 22 رنز کی اننگز کھیلی۔بابر اعظم نے مسلسل دوسرے میچ میں نصف سنچری اسکور کی اور وہ 43 گیندوں پر 66 رنز کی اننگز کھیل کر آؤٹ ہوئے۔
دوسرا ٹی ٹوئنٹی: نیوزی لینڈ نے پاکستان کو جیت کیلئے 195 رنز کا ہدف دیدیا
نیوزی لینڈ کی جانب سے ایڈم ملنے نے 4 کھلاڑیوں کو آؤٹ کیا جبکہ سین سیئر، اش سوڈھی اور ٹم ساؤتھی کے حصے میں دو دو وکٹیں آئیں۔
