آرمی چیف کا اعزاز، سعودی عرب نے کنگ عبدالعزیز میڈل سے نواز دیا

جدہ: آرمی چیف جنرل قمر جاوید باجوہ کو سعودی حکومت نے کنگ عبدالعزیز میڈل سے نوازا ہے جو پاک سعودی عرب تعلقات کو فروغ دینے کیلئے چیف آف آرمی اسٹاف کی خدمات کا اعتراف ہے۔

تفصیلات کے مطابق سعودی شہزادہ محمد بن سلمان نے آرمی چیف جنرل قمر جاوید باجوہ کو کنگ عبدالعزیز میڈل آف ایکسیلنٹ کلاس سے نوازا۔ چیف آف آرمی اسٹاف نے پاک سعودی عرب تعلقات کو فروغ دینے کیلئے کاوشوں کے اعتراف میں اعزاز وصول کیا۔ 

یہ بھی پڑھیں:

نئی توشہ خانہ پالیسی، وزیر اعظم نے 12رکنی کمیٹی قائم کردی

سماجی رابطے کی ویب سائٹ ٹوئٹر پر آرمی چیف کی جانب سے آگاہ کیا گیا کہ چیف آف آرمی اسٹاف کو اتوار کے روز سعودی سلطنت کے بانی کنگ عبدالعزیز کے نام پر میرٹ پر مبنی اعزاز سے نوازا گیا ہے۔ آرمی چیف نے سعودی قیادت کا شکریہ ادا کیا۔

Chief of Army Staff (COAS), General Qamar Javed Bajwa, conferred the Order of King Abdulaziz, an order of merit named after Saudi Arabia's founder from the kingdom's Crown Prince Mohammed bin Salman on Sunday@OfficialDGISPR #PakistanArmy #ISPR pic.twitter.com/GxtUf3JbTu

— Pakistan Armed Forces News ???????? (@PakistanFauj) June 26, 2022

دوسری جانب سعودی وزارتِ خارجہ کی جانب سے بھی آرمی چیف جنرل قمر جاوید باجوہ کو اعزاز سے نوازنے کی مختلف تصاویر شیئر کرتے ہوئے کہا گیا کہ خادمِ حرمین الشریفین شہزادہ محمد بن سلمان نے آرمی چیف جنرل قمر جاوید باجوہ کو کنگ عبدالعزیز میڈل آف ایکسلینٹ کلاس ان کی خدمات کے اعتراف میں دیا۔ 

تنفيذاً لأمر #خادم_الحرمين_الشريفين، سمو #ولي_العهد يقلد قائد جيش #باكستان وسام الملك عبدالعزيز من الدرجة الممتازة، تقديراً لجهوده المميزة في توطيد وتعزيز أواصر الصداقة والتعاون المشترك وتطوير العلاقات السعودية الباكستانية pic.twitter.com/TYVKFvoq4Q

— وزارة الخارجية ???????? (@KSAMOFA) June 26, 2022

واضح رہے کہ آرمی چیف جنرل قمر جاوید باجوہ اور سعودی ولی عہد شہزادہ محمد بن سلمان کی ملاقات جدہ میں ہوئی جس میں پاک سعودی عرب تعلقات، عسکری شعبہ جات میں تعاون کا فروغ، خطے کی صورتحال اور باہمی دلچسپی کے امور زیرِ غور آئے۔