گوگل نیوز پر ہمیں فالو کریںمعروف اداکارہ ثروت گیلانی کے ہاں تیسرے بچے کی آمد متوقع ہے جس کا اعلان اُنہوں نے سوشل میڈیا کے ذریعے کیا ہے۔
ثروت گیلانی نے اپنے انسٹاگرام ہینڈل پر اپنی فلم ’جوائے لینڈ‘ کی ٹیم کے ساتھ تصاویر پوسٹ کیں جن میں ثروت گیلانی کے ساتھ اداکار و ہدایت کار سرمد کھوسٹ، فلمساز صائم صادق،علینہ خان سمیت دیگر اداکار موجود ہیں۔
View this post on Instagram
ثروت گیلانی نے اپنے مداحوں کو خوشخبری سُناتے ہوئے کہا کہ ہمارے ننھے مہمان کی آمد کا اعلان کرنے کے لیے اس سے بہترین تصویر کوئی نہیں ہوسکتی۔
ویب سیریز”چڑیلز“ کا دوسرا سیزن پہلے سے زیادہ منفرد ہوگا، ثروت گیلانی
اداکارہ نے کہا کہ ہم سب آج خوشی منا رہے ہیں اور مستقبل کی خوشی کے منتظر ہیں۔
ثروت گیلانی کی پوسٹ پر شوبز ستاروں اور مداحوں کی جانب سے اداکارہ کے لیے نیک خواہشات کا اظہار کرنے کا سلسلہ جاری ہے۔
واضح رہے کہ ثروت گیلانی نے 2014 میں اداکار اور معروف پلاسٹک سرجن فہد مرزا سے شادی کی تھی، اس جوڑے کے دو بیٹے ہیں۔
ثروت گیلانی کے بڑے بیٹے روحان مرزا کی پیدائش 2015 میں جبکہ چھوٹا بیٹا عریز محمد مرزا 2017 میں پیدا ہوا تھا، اس جوڑے کے ہاں اب تیسرے بچے کی آمد متوقع ہے۔
