گوگل نیوز پر ہمیں فالو کریںبھارت کی سابق ٹینس اسٹار ثانیہ مرزا ٹینس سے ریٹائرمنٹ کے بعد کہیں گم سی ہوگئی تھیں، تاہم انہوں نے ایک بار پھر نئے انداز میں کھیل میں قدم رکھا ہے۔
سابق ٹینس اسٹار ثانیہ مرزا نے آسٹریلیا کے شہر میلبورن میں ہونے والے سال کے پہلے بڑے مقابلے آسٹریلین اوپن 2024 میں بطور کمنٹیٹر واپسی کی۔
View this post on Instagram
نجی ٹی وی کے لیے کیے گئے اپنے اس نئے کردار کے حوالے سے سابق ٹینس اسٹار ثانیہ مرزا کا کہنا تھا کہ یہ تبصرہ مجھے اس کھیل (ٹینس) سے جڑے رہنے میں مدد فراہم کرتا ہے جو ہمیشہ سے میری زندگی رہا ہے۔
آسٹریلین اوپن مقابلہ جو 7 جنوری کو شروع ہوا تھا 28 جنوری کو اختتام پذیر ہوگیا، جس میں سابق ٹینس اسٹار نے بطور کمنٹیٹر فرائض انجام دیئے۔
سابقہ ٹینس اسٹار ثانیہ مرزا نے مقابلہ کے اختتام پر ایک پوسٹ کے ذریعے اپنے جذبات کو اپنے مداحوں کے سامنے پیش کیا۔
پوسٹ کے کیپشن میں ثانیہ نے لکھا کہ آسٹریلین اوپن کے لیے سونی اسپارٹس نیٹ ورک کے ساتھ حیرت انگیز دو ہفتے۔ ایک بار پھر ہمارے اپنے روہن بوپنا کے ذریعے تاریخ رقم ہو گئی۔
