اداکارہ صنم جنگ نے پر فیوم کا برانڈ لانچ کر دیا

صنم جنگ ان دنوں اپنا یو ٹیوب چینل چلاا رہی ہیں اور اب انہوں نے اپنا پر فیوم کا برانڈ بھی متعارف کروا دیا ہے۔

صنم جنگ پاکستان شوبز انڈسٹری کی پہلی اداکارہ ہیں جنہوں نے پرفیوم کا برانڈ متعارف کروایا ہے۔ انہوں نے اپنے برانڈ میں تین قسم کے پر فیوم لانچ کیے ہیں جن میں فارایور کرش، میسٹک فال اور ہیونلی ڈیوائن شامل ہیں۔

 

View this post on Instagram

 

A post shared by Sanam Jung (@jung_sanam)

واضح رہے کہ سال نو کے آغاز پر صنم جنگ نے انسٹاگرم پراپنی تنہا تصویر شیئر کی تھی جس کے بعد ان کی شوہر سے علیحدگی کے حوالے سے خبریں زیر گردش تھیں تاہم انہوں نے علیحدگی کی خبروں کی تردید کردی تھی۔

View this post on Instagram

A post shared by Sanam Jung (@jung_sanam)

اداکارہ صنم جنگ کا کہنا تھاکہ سوشل میڈیا پر سیلیبرٹیز کے بارے میں اکثر غلط بے بنیاد خبریں گردش کرتی ہیں، ہماری علیحدگی کی خبروں میں کوئی سچائی نہیں ہے،ہماری ازدواجی زندگی خوشگوار طریقے سے جاری ہے اورہمیشہ جاری رہے گی۔ جھوٹی اور من گھڑت خبریں اڑانے والوں کو ہوش سے کام لینا چاہیے۔

خیال رہے کہ صنم جنگ نے 2016 میں اپنے دیرینہ دوست قسام جعفری سے شادی کی تھی، ان کے شوہر قسام جعفری پیشے کے اعتبار سے پائلٹ ہیں اور دونوں کی ایک بیٹی ہے جس کا نام الایا جعفری ہے۔