سعید غنی نے صوبائی وزیر کے عہدے سے استعفیٰ دے دیا

کراچی: وزیر محنت و افرادی قوت سندھ سعید غنی نے اپنے عہدے سے استعفی دے دیا۔

تفصیلات کے مطابق سعید غنی نے اپنا استعفیٰ منظوری کے لیے وزیر اعلیٰ سندھ مراد علی شاہ کو بھجوا دیا ہے۔

اس حوالے سے ٹوئٹر پر جاری کردہ اپنے بیان میں سعید غنی کا کہنا تھا کہ وہ بلدیاتی انتخابات کی مہم میں حصہ لینا چاہتے ہیں اس لیے انہوں نے اپنے عہدے سے استعفیٰ دیا ہے۔

یہ بھی پڑھیں:

طوفانی بارشوں میں حادثات سے محفوظ رہنے کیلئے کونسے اقدامات کرنے چاہئیں؟

خیال رہے وزارت محنت و افرادی قوت سے پہلے سعید غنی وزیر تعلیم سندھ اور وزیر بلدیات کے عہدوں پر بھی فائز رہ چکے ہیں۔

دوسری جانب اپنے ایک بیان میں عوامی لیگ کے سربراہ شیخ رشید احمد نے کہا کہ اگر سیاسی پریشر ککر کو سیاسی چولہے سے نہ ہتایا تو پھٹ جائے گا جبکہ وفاقی وزیرِ خزانہ مفتاح اسماعیل آئی ایم ایف کے ترجمان ہیں۔

بیان میں سابق وزیرِ داخلہ شیخ رشید نے کہا کہ مفتاح اسماعیل سے پرچون فروش بھی محفوظ نہیں جبکہ بے بس ترین وزیر اعظم شہباز شریف کو اپنی پارٹی، بی اے پی اور ایم کیو ایم جیسی جماعتیں آنکھیں دکھا رہی ہیں۔