ریشم کی متوقع وزیرا عظم شہباز شریف کے حق میں نعرے بازی

پاکستانی شوبز انڈسٹری کی سینئر اداکارہ ریشم نے اپوزیشن لیڈر قومی اسمبلی و متوقع وزیرا عظم شہباز شریف کے حق میں نعرے بازی کی ہے۔

تفصیلات کے مطابق اداکارہ ریشم نے اپنی ایک مختصر ویڈیو فوٹو شیئرنگ پلیٹ فارم انسٹاگرام پر شیئر کی اور کہا کہ رات گئے میرے بہت سے ساتھیوں نے کافی ویڈیوز بنائیں اور نعرے بازی بھی کی۔

 

View this post on Instagram

 

A post shared by therealresham (@therealresham)

اپنی ویڈیو میں اداکارہ ریشم نے مزید کہا کہ وقت نے مجھے مجبور کیا ہے کہ اب میں بھی شہباز شریف زندہ باد، پاکستان پائندہ باد کا نعرہ لگاؤں۔ ویڈیو کے ہمراہ اداکارہ ریشم نے ایک تحریری پیغام بھی شیئر کیا۔

یہ بھی پڑھیں:

عمران خان دوبارہ وزیر اعظم بن کر سامنے آئینگے۔ مایا علی کی پیشگوئی

اداکارہ ریشم نے عمران خان کے خلاف تحریکِ عدم اعتماد کی کامیابی پر اپنے بیان میں  کہا کہ پوری قوم کو ڈھیروں مبارکباد پیش کرتی ہوں۔ ایک باب ختم ہوا اور نئے باب سے امید ہے کہ وہ سنہرا اور تابناک ہوگا۔

ریشم کا شمار 90ء کی دہانی میں شوبز انڈسٹری میں قدم رکھنے والی سینئر اداکاراؤں میں کیا جاتا ہے۔ 1995 میں جیوا، 1997 میں سنگم، 1999 میں پل دو پل اور 1996 میں گھونگھٹ ریشم کی اہم فلمیں سمجھی جاتی ہیں۔

خیال رہے کہ اس سے قبل اداکارہ مایا علی نے تحریکِ عدم اعتماد کی کامیابی پر ردِ عمل دیتے ہوئے کہا کہ آج تاریخ کا سیاہ ترین دن ہے۔ ہم نے ایک ہیرو کھو دیا۔ عمران خان دوبارہ ایک طاقتور وزیر اعظم بن کر سامنے آئیں گے۔