گوگل نیوز پر ہمیں فالو کریںاسلام آباد: وفاقی وزیر منصوبہ بندی و ترقی اسد عمر کا کہنا ہے کہ پچاس سال سے زائد عمر کے شہریوں کے لئے کورونا ویکسین کی رجسٹریشن کا عمل 30 مارچ سے شروع کیا جائے گا۔
وفاقی وزیر اسد عمر کا اپنے ٹوئٹر پیغام میں کہنا ہے کہ ساٹھ سال اور اس سے زائد عمر کے افراد کی رجسٹریشن پہلے ہی جاری ہے۔
Registration of those who are 50 plus for covid vaccination will be opened on march 30th. Registration of those who are 60 and older has already been open. Encourage everybody who is 50 plus to register when the registration is opened for them on 30th.
— Asad Umar (@Asad_Umar) March 26, 2021
چیئرمین نیشنل کمانڈ اینڈ آپریشن سینٹر ( این سی او سی ) اسد عمر نے عوام پر زور دیا ہے کہ وہ ویکسی نیشن کیلئے پچاس سال سے زائد عمر کے افراد کے اندراج کی حوصلہ افزائی کریں۔
خیال رہے کہ اسد عمر کے زیر صدارت نیشنل کمانڈ اینڈ آپریشن سینٹر ( این سی او سی ) کا خصوصی اجلاس کل بروز ہفتہ ہوگا۔ اجلاس میں پنجاب اور خیبر پختونخوا کے وزرائے اعلی بذریعہ ویڈیو لنک خصوصی شرکت کریں گے۔
این سی او سی اجلاس میں کمشنر اسلام آباد وفاقی دارالحکومت کی نمائندگی کریں گے جبکہ پنجاب، خیبر پختونخواہ اور اسلام آباد میں کورونا کے بڑھتے کیسز کی صورتحال کا جائزہ لیا جائے گا۔
اجلاس میں کورونا ایس او پیز پر عمل درآمد, صحت کی سہولیات کا بھی جائزہ لیا جائے گا۔ مختلف اسپتالوں کے کریٹکل کئیر یونٹس میں آکسیجیٹڈ بیڈز اور وینٹی لیٹرز کی دستیابی کا بھی جائزہ لیا جائے گا۔
