گوگل نیوز پر ہمیں فالو کریںاسلام آباد: وفاقی وزیر برائے سائنس و ٹیکنالوجی فواد چوہدری نے کہا ہے کہ اپوزیشن کی عمران خان کا تختہ اُلٹو تحریک میں وفاقی حکومت کیلئے اصل چیلنج مذہب کارڈ کا استعمال ہے۔
سماجی رابطے کی ویب سائٹ ٹوئٹر پر اپنے پیغام میں وزیرِ سائنس و ٹیکنالوجی فواد چوہدری نے کہا کہ اپوزیشن تحریک میں ریاست کو درپیش اصل چیلنج مذہب کارڈ کا استعمال اور مدرسے کے بچوں کے ڈنڈا بردار جلوس ہیں۔
پیغام میں وزیرِ سائنس و ٹیکنالوجی فواد چوہدری نے کہا کہ چیلنج یہ بھی ہے کہ اپوزیشن مذہبی جذبات سلگانے کی کوشش کرے گی، اس تحریک سے فرقہ وارانہ کشیدگی میں اضافہ ہوسکتا ہے۔
وفاقی وزیر فواد چوہدری نے کہا کہ اپوزیشن کی حکومت مخالف تحریک کا پر تشدد ہونا خارج از امکان قرار نہیں دیا جاسکتا ، کوئی بھی سنجیدہ تجزیہ نگار اِس تحریک کو انتشار کی مثال ہی سمجھے گا۔
اپوزیشن تحریک میں ریاست کو درپیش اصل چیلنج مذھب کارڈ کا استعمال،مدرسے کے بچوں کے ڈنڈا بردارجلوس اور مذھبی جذبات سلگانے کی کوششش ہے، اس تحریک سے فرقہ ورانہ کشیدگی میں اضافہ اور تحریک کا پرتشددہونا بعیداز قیاس نہیں،کوئ بھی سنجیدہ تجزیہ نگار اس تحریک کو انتشار کا استعارہ ہی سمجھےگا
— Ch Fawad Hussain (@fawadchaudhry) October 11, 2020
یہ بھی پڑھیں: ٹائیگر فورس کو اشیائے ضروریہ کی قیمتوں پرنظر رکھنے کی ہدایت
