گوگل نیوز پر ہمیں فالو کریںراول ڈیم کے اسپل ویز کھول کر پانی ڈیم سے باہر نکالنا شروع کردیا گیا ہے۔ گزشتہ دنوں ہونے والی بارش کے سبب جمع ہونے والا پانی گنجائش سے زیادہ ہونے پر یہ فیصلہ کیا گیا۔
راول ڈیم انتظامیہ کے مطابق گزشتہ روز اسپل ویز پانی کی سطح مقررہ حد سے زیادہ بلند ہونے پر کھول دئیے گئے۔ ڈیم میں پانی کی کل گنجائش 1752 فٹ سے زائد پانی کو ڈیم سے نکال دیا جائے گا جبکہ اسپل ویز پانی کی سطح 1752.20 فٹ ہونے پر کھولے گئے۔
یہ بھی پڑھیں: قائد حزب اختلاف شہباز شریف کا ترک صدر کی طرف سے مسئلۂ کشمیر کی بھرپور حمایت پر اظہارِ تشکر
اسپل ویز کھولنے سے قبل سائرن بجائے گئے تاکہ ڈیم کے اسپل ویز کناروں پر آباد لوگ ہوشیار ہوجائیں اور متبادل جگہوں پر چلے جائیں۔ اسپل ویز چند گھنٹے کھولنے کے بعد 2 فٹ تک پانی کم کرکے دوبارہ بند کر دئیے جائیں گے۔
بارشوں کے دوران فلڈ کنٹرول لیول حاصل کرنے کے لیے اسپل ویز کھولے جانے کے بعد متعلقہ اداروں کی طرف سے راولپنڈی کے نشیبی علاقوں میں رہنے والے شہریوں کو وارننگ بھی جاری کی گئی۔
وارننگ کے مطابق شہریوں کو ایک گھنٹے کے اندر محفوظ مقامات پر منتقل ہونے کی ہدایت کی گئی ہے جبکہ بارشوں کے باعث راولپنڈی شہر کو پینے کا پانی سپلائی کرنے والے راول ڈیم میں پانی مسلسل جمع ہو رہا ہے۔
یاد رہے کہ اس سے قبل نیشنل ڈیزاسٹر مینجمنٹ اتھارٹی (این ڈی ایم اے) کے چیئرمین لیفٹیننٹ جنرل محمد افضل نے کہا کہ آزاد کشمیر میں حالیہ زلزلے کے باعث کل 450 گھر متاثر ہوئے، میرپور میں 24 جبکہ جہلم میں ایک شخص جاں بحق ہوا ہے۔
چیئرمین این ڈی ایم اے نے کہا کہ پاک آرمی کی 20 مشینیں سڑک کی بحالی کے کام میں مصروف ہیں جبکہ آزاد کشمیر میں واقع جاتلاں کا علاقہ گزشتہ روز کے زلزلے میں سب سے زیادہ متاثر ہوا۔
مزید پڑھیں: آزاد کشمیر میں زلزلے کے باعث کل 450 گھر متاثر ہوئے۔چیئرمین این ڈی ایم اے
