گوگل نیوز پر ہمیں فالو کریںمیرپور: پاکستان ٹیلی کمیونیکیشن اتھارٹی (پی ٹی اے) کے مظفر آباد زونل آفس نے مقامی پولیس اور مجسٹریٹ کے ساتھ مل کر غیر قانونی ٹیلی فون ٹریفک کے خلاف چھاپے میں غیر قانونی گیٹ وے اور ڈیوائسز برآمد کر لی ہیں۔
ٹیلی کمیونیکیشن اتھارٹی کی طرف سے مارا جانے والا چھاپہ گرے ٹیلی فونی ٹریفک کی روک تھام کے حوالے سے جاری کوششوں کے سلسلے کی ایک کڑی ہے۔
چھاپے کے دوران ایک غیر قانونی گیٹ وے، لیپ ٹاپ اور انٹرنیٹ ڈیوائس سمیت دیگر سامان قبضے میں لے لیا گیا۔ اس حوالے سے مزید تفتیش ابھی جاری ہے۔
غیر قانونی ٹیلی فون ٹریفک کی روک تھام کے حوالے سے کامیاب چھاپے پی ٹی اے کی لگاتار مانیٹرنگ، عزم اور مسلسل کوششوں کا مظہر ہیں جو قانون نافذ کرنے والے اداروں کے تعاون سے کیے جا رہے ہیں۔
یہ بھی پڑھیں: قومی بچت سینٹر میں عوام کی کروڑوں کی پنشن ہتھیا لی گئی
