رابعہ انعم نے ندا یاسر کے شو میں محسن عباس حیدر کو بلائے جانے کی وجہ سے شو میں شرکت کرنے سے معذرت کرلی۔

ندا یاسر کے مارننگ شو میں میزبان اور نیوز اینکررابعہ انعم کو بطور مہمان مدعو کیا گیا۔ اسی قسط میں فضا علی اور محسن عباس نے بھی مہمان کے طور پر شرکت کی۔

یہ بھی پڑھیں:

رابعہ انعم نے لائیو شو کے دوران ندا یاسر سے معذرت کرتے ہوئے کہا کہ وہ اس شو کا مزید حصہ نہیں بن سکتی کیوں کہ کچھ غلطیوں کی معافی ہوتی ہیں لیکن کچھ غلطیاں عمر بھر ساتھ رہتی ہیں۔

رابعہ نے کہا کہ انہیں بتایا گیا تھا کہ شو میں فضا علی مہمان ہیں تاہم انہیں یہ علم نہیں تھا کہ محسن عباس بھی اس شو کا حصہ ہوں گے۔ اسی لئے میں کوئی ایسی مزید غلطی نہیں کرنا چاہتی جس سے گھریلو تشدد کو فروغ ملے۔

رابعہ نے یہ کہتے ہوئے شو سے واک آؤٹ کیا اور معذرت کی کہ میں نے اپنے حصے کا چھوٹا سا کام کردیا ہے، ہوسکتا ہے کہ میری اس کوشش سے میری میری چھوٹی بیٹی یا کوئی دوست گھریلو تشدد کا نشانہ نہ بنے۔

Bravo @RabiaAnumm pic.twitter.com/IgwnIUIRtG

— Faysal Chaudary (@Faysal_Chaudary) November 8, 2022

سوشل میڈیا پر رابعہ انعم کے واک آؤٹ کی کلپ وائرل ہورہی ہے۔

رابعہ نے شو سے جاتے جاتے مارننگ شو کی میزبان ندا یاسر اور چینل کی انتظامیہ سے بھی معافی مانگی۔ تاہم چینل کی انتظامیہ نے شو کی قسط کے اس حصے کو ایڈیٹ کرکے پیش کیا۔

مگر لائیو شو کی چند کلپس سوشل میڈیا پر وائرل ہو رہے ہیں ۔