گوگل نیوز پر ہمیں فالو کریںلاہور: پنجاب فوڈ اتھارٹی نے غریب دودھ فروش پر 45 ہزار روپے کا بھاری جرمانہ عائد کردیا جس کے خلاف عوامی تحریک نے احتجاج کا اعلان کیا ہے۔
تفصیلات کے مطابق پنجاب فوڈ اتھارٹی نے غریب کش پالیسی اپناتے ہوئے دودھ فروش پر بغیر نوٹس دئیے 45 ہزار روپے کا جرمانہ عائد کیا جبکہ غریب دودھ فروش کے کاروبار کی کل سرمایہ کاری 30 سے 40 ہزار روپے ہے۔
غریب دودھ فروش نے فوڈ اتھارٹی پنجاب کے چیئرمین اور رکنِ اسمبلی تنویر بٹ سے رابطہ کیا لیکن انہوں نے تعاون نہیں کیا جس پر پاکستان عوامی تحریک کے رہنما غلام علی خان نے احتجاج کا اعلان کرتے ہوئے کہا کہ ہم سب مل کر غریب کے حق کیلئے آواز اٹھائیں گے۔
عوامی تحریک کے رہنما نے کہا کہ اگر غریب کا جرمانہ کم یا معاف نہ کیا گیا تو ہم پنجاب فوڈ اتھارٹی کے خلاف احتجاجی دھرنا دیں گے جس کے بعد تمام حالات کی ذمہ داری فوڈ اتھارٹی کے افسران پر عائد ہوگی۔ پنجاب فوڈ اتھارٹی کو غریب دشمن پالیسی پر نظرِ ثانی کی ضرورت ہے۔
یہ بھی پڑھیں: کسٹمز کی کارروائی، 70 ہزار درہم اسمگل کرنے کی کوشش ناکام
