گوگل نیوز پر ہمیں فالو کریںلاہور: وزیراعلیٰ پنجاب عثمان بزدارنےیوم عاشورکےموقع پرہیلی کاپٹرمیں شہرکےسیکیورٹی انتظامات کاجائزہ لیا،صوبائی وزیر قانون راجہ بشارت اور انسپکٹر جنرل پولیس بھی وزیراعلیٰ کے ہمراہ تھے۔
وزیراعلیٰ پنجاب نے پاک آرمی کے ہیلی کاپٹر پرسیکیورٹی انتظامات کاجائزہ لیااور جلوسوں کے روٹس اور پولیس کے انتظامات کا فضائی معائنہ کیا۔
وزیراعلیٰ نے اندرون شہر اسلام پورہ،انارکلی، کربلا گامے شاہ سمیت دیگرعلاقوں کاجائزہ لیااورسیکیورٹی انتظامات پراطمینان کااظہارکیااور سیکیورٹی انتظامات کی مسلسل نگرانی کی ہدایت کی۔
وزیراعلیٰ پنجاب کااس موقع پرکہناتھا کہ یوم عاشور پر پنجاب حکومت نے امن و امان برقرار رکھنے کے لئے بہترین انتظامات کئے ہیں، پولیس اور انتظامیہ وضع کردہ سیکورٹی پلان پر ہر صورت عملدرآمد یقینی بنائیں۔ انشاء اللہ پنجاب حکومت کے اقدامات سے یوم عاشور پرامن رہے گا- دشمن کے ناپاک عزائم ناکام بنانے کے لیے پوری فورس چوکس ہے۔
