گوگل نیوز پر ہمیں فالو کریںوفاقی وزیر برائے منصوبہ بندی و ترقی اسد عمر نے کہا ہے کہ ادارہ برائے نجی و سرکاری شراکت داری (پبلک پرائیویٹ پارٹنرشپ اتھارٹی) کے ساتھ ملک میں ترقیاتی کام کی رفتار تیز ہوگی۔
سماجی رابطے کی ویب سائٹ ٹوئٹر پر اپنے پیغام میں وزیر منصوبہ بندی اسد عمر نے کہا کہ پبلک پرائیویٹ پارٹنرشپ اتھارٹی کے بورڈ نے سکھر حیدر آباد موٹر وے کے لیے 200 ارب روپے ٹرانزیکشن اسٹرکچر کی منظوری دی۔
وزیر منصوبہ بندی نے پبلک پرائیویٹ پارٹنرشپ اتھارٹی کے اقدام کو قابلِ تعریف قرار دیتے ہوئے کہا کہ پبلک پرائیویٹ پارٹنرشپ اتھارٹی کے ساتھ ملک میں ترقیاتی کام تیز ہوگا۔
اسد عمر نے ٹوئٹر پیغام کے ساتھ ملکی میڈیا کی خبر شیئر کی جس کے مطابق گزشتہ روز حکومت نے سکھر حیدر آباد موٹر وے کا 204 ارب روپے مالیت کا منصوبہ پرائیویٹ سیکٹر کے حوالے کرنے کی منظوری دی۔
Public private partnership authority board approved the transaction structure for the 200 billion rupeee sukkur Hyderabad motorway. With the public private partnership authority gearing up development work will accelerate in the countryGovt https://t.co/hjMcg7ty3e
— Asad Umar (@Asad_Umar) January 3, 2020
یاد رہے کہ اس سے قبل وفاقی وزیرمنصوبہ بندی و ترقی اسد عمر نے کہا کہ چیئرمین پی پی پی بلاول بھٹو زرداری کو سیاست کرنے کا حق ہے، تاہم پیپلز پارٹی کی عوام کے اندر جڑیں کمزور ہو چکی ہیں۔
گورنرہاؤس میں 2 روز قبل کراچی بحالی کمیٹی کے اجلاس کے بعدمیڈیا سے بات چیت کرتے ہوئے اسد عمر نے کہا کہ بلاول اور مولانا نے ترقی نہیں دیکھی، اس سال ترقی ہوگی جو دراصل تبدیلی ہو گی۔
مزید پڑھیں: پیپلز پارٹی کی عوام کے اندر جڑیں کمزور ہیں، اسد عمر
