ملک بھر میں گیس کا بحران، چاروں صوبوں کے عوام کا اظہارِ تشویش

اسلام آباد: ملک بھر میں جاری گیس کے بحران پر پنجاب، خیبر پختونخوا، بلوچستان اور سندھ سمیت چاروں صوبوں کے عوام نے تشویش کا اظہار کیا ہے۔

تفصیلات کے مطابق سندھ کے 66 فیصد شہریوں کا کہنا ہے کہ گیس بحران مشکلات کا باعث بن رہا ہے۔ بلوچستان کے 80 فیصد، پنجاب کے 62 جبکہ خیبر پختونخوا کے 57 فیصد شہریوں نے بھی گیس بحران کو تشویشناک قرار دے دیا۔

یہ بھی پڑھیں:

ٹیکسٹائل برآمدات کو 30 ارب ڈالر تک بڑھایا جا سکتاہے، حنیف لاکھانی

نئے سروے میں ملک بھر کے 2000 سے زائد افراد شریک ہوئے جنہوں نے گیس بحران، سرکاری ہسپتالوں میں سہولیات کے فقدان، سلامتی کی صورتحالا ور صفائی ستھرائی سمیت دیگر پہلوؤں پر اپنی اپنی رائے دی۔ زیادہ تر شہریوں نے گیس بحران پر تشویش کا اظہار کیا۔ 

پلس کنسلٹنٹ کے نئے سروے میں بتایا گیا ہے کہ ملک بھر میں گیس کا بحران چاروں صوبوں کے شہریوں کیلئے باعثِ تشویش ہے۔ سروے کے دوران سرکاری ہسپتالوں میں سہولیات، صفائی ستھرائی اور سکیورٹی صورتحال پر مختلف آراء سامنے آئیں۔

ملک بھر سے سامنے آنے والی آراء کے مطابق دیگر صوبوں کے مقابلے میں کے پی کے کی سکیورٹی صورتحال، سرکاری ہسپتال اور صفائی ستھرائی دیگر صوبوں کے مقابلے میں بہتر ہے جبکہ حقوقِ نسواں کا تحفظ سندھ اور بلوچستان میں زیادہ بہتر نظر آیا۔