پی ٹی آئی کو چاہئے وزیر اعلیٰ ہاؤس کے سامنے احتجاج کرے، حافظ نعیم الرحمن

کراچی:جماعتِ اسلامی کراچی کے امیر حافظ نعیم الرحمن نے کہا ہے کہ پاکستان تحریک انصاف(پی ٹی آئی)کو کے الیکٹرک کے خلاف احتجاج کرنا ہے تو وزیر اعلیٰ ہاؤس کے سامنے کرے۔

کراچی میں سندھ ہائی کورٹ کے سامنے جماعت اسلامی کی جانب سے کے الیکٹرک کے خلاف احتجاج کیا گیا جس میں حافظ نعیم الرحمن سمیت جماعت اسلامی کے رکن سندھ اسمبلی عبدالرشید اور دیگر رہنما بھی شریک ہوئے۔

اس موقع پر حافظ نعیم الرحمن نے کہاکہ کے الیکٹرک 26لاکھ صارفین کو بجلی فراہم کرنے میں ناکام ہوگئی، اس کا لائسنس منسوخ کرکے فوری طور پر قومی تحویل میں لیا جائے۔

حافظ نعیم الرحمن نے کہا کہ کے الیکٹرک کے خلاف ہفتہ کو شام 4 بجے شاہراہ فیصل پر احتجاج کا بھی اعلان کیا ہے اور شہریوں سے احتجاج میں بھرپور شرکت کی اپیل کی۔